ក្រសួងមុខងារសាធារណៈ ត្រៀមរៀបចំការប្រឡងប្រជែងជ្រើសរើសគ្រូបង្រៀន សម្រាប់កម្រិតបឋមសិក្សា នៅតាមបណ្ដាលខេត្តទាំង ៥ នេះ

(រាជធានីភ្នំពេញ)៖ នៅរសៀលថ្ងៃទី ១៩ ខែកញ្ញា ឆ្នាំ ២០២៥ ក្រសួងមុខងារសាធារណៈ បានបញ្ជាក់ថា គណៈកម្មការត្រៀមរៀបចំការប្រឡងប្រជែងជ្រើសរើសគ្រូបង្រៀន សម្រាប់គ្រឹះស្ថានបឋមសិក្សា នៅតាមបណ្ដាលខេត្តទាំង ៥ ដែលមានដូចជា ព្រៃវែង ខេត្តត្បូងឃ្មុំ ខេត្តកំពង់ចាម ខេត្តបាត់ដំបង និងខេត្តតាកែវ។

រូបតំណាង

នៅក្នុងសេចក្តីជូនដំណឹងរបស់ ក្រសួងមុខងារសាធារណៈ បានឱ្យដឹងថា ក្រសួងមុខងារសាធារណៈ ក្រសួងអប់រំ យុវជន និងកីឡា និងក្រសួងសេដ្ឋកិច្ចនិងហិរញ្ញវត្ថុ។ គណៈកម្មការរៀបចំការប្រឡងប្រជែង សូមជូនដំណឹងដល់សាធារណជនទាំងអស់ឱ្យបានជ្រាបថា គណៈកម្មការ នឹងរៀបចំការប្រឡងប្រជែងជ្រើសរើសគ្រូបង្រៀនផ្អែកលើកិច្ចព្រមព្រៀងការងារ ឱ្យចូលបម្រើការងារនៅគ្រឹះស្ថានបឋមសិក្សា សាធារណៈ ស្ថិតក្នុងភូមិសាស្ត្ររដ្ឋបាលខេត្តព្រៃវែង ខេត្តត្បូងឃ្មុំ ខេត្តកំពង់ចាម ខេត្តបាត់ដំបង និងខេត្តតាកែវ។

១. លក្ខខណ្ឌសម្រាប់ការចូលរួមប្រឡងប្រជែង៖

– សញ្ញាបត្រកម្រិតបរិញ្ញាបត្រ គ្រប់ជំនាញ

– មានអាយុចាប់ពី ១៨ឆ្នាំឡើង

– មានអត្តសញ្ញាណប័ណ្ណសញ្ជាតិខ្មែរ

២. វិញ្ញាសាសម្រាប់ការប្រឡងប្រជែង៖

– គណិតវិទ្យា

– ភាសាខ្មែរ

– ចំណេះដឹងទូទៅ និងភាសាអង់គ្លេស

. រយៈពេល ១ម៉ោង ៣០នាទី

. រយៈពេល ១ម៉ោង ៣០នាទី

. រយៈពេល ១ម៉ោង ៣០នាទី

ដោយគណៈកម្មការរៀបចំការប្រឡងប្រជែង នឹងជូនដំណឹងស្តីពីការដាក់ពាក្យសុំសិទ្ធិប្រឡងប្រជែងតាមប្រព័ន្ធ អនឡាញ ក្នុងសប្តាហ៍ទី១ ខែតុលា ឆ្នាំ២០២៥។ ចំពោះព័ត៌មានលម្អិតអំពីបែបបទ នីតិវិធី និងកាលបរិច្ឆទ ប្រឡងប្រជែង គណៈកម្មការរៀបចំការប្រឡងប្រជែង នឹងជូនដំណឹងនៅពេលក្រោ៕

ប្រភព៖ ក្រសួងមុខងារសាធារណៈ