Ganzberg Snow នាំយក Rapper Fighter រដូវកាលថ្មី ជាមួយប្រាក់រង្វាន់ 60លានរៀល និងឳកាសការងារជាច្រើនជាមួយក្រុមហ៊ុន Ganzberg បើកឆាកដំបូងភ្លាម! Rapper Fighter រដូវកាលទី២ ផ្ទុះការគាំទ្រខ្លាំងស្ទើរមិនគួរឱ្យជឿ!

កម្មវិធីប្រឡងចម្រៀង Rapper Fighter ដ៏ធំដែលឧបត្ថម្ភផ្ដាច់មុខដោយ Ganzberg Snow បានផ្ទុះការគាំទ្រខ្លាំងស្ទើរមិនគួរឱ្យជឿនៅក្នុងសប្ដាហ៍ដំបូងនៃការប្រកួតប្រជែងដ៏ស្វិតស្វាញនៃបេក្ខភាពឆ្នើមកាលពីយប់ថ្ងៃអាទិត្យ ទី៥ ខែ តុលា ឆ្នាំ២០២៥ ពីបេក្ខភាពឆ្នើមក្នុងវគ្គ Start Fight។

ការចាប់ផ្ដើមនៃវគ្គ Start Fight ដែលជាវគ្គមួយបានក្លាយជាវេទិកាប្រកួតដ៏ក្ដៅគគុក សម្រាប់ Coach ទាំង៤ ក្នុងការប្រកួតប្រជែងគ្នាយកបេក្ខភាពឆ្នើមរៀងៗ។

នៅមុនការបើកឆាកប្រកួតប្រជែងវគ្គ Star Fight ដ៏ក្ដៅគគុកនេះ ក៏មានការចូលរួមច្រៀងរួមគ្នាពី Top 4 Rapper Fighter រដូវកាលទី១ ផងដែរ។ ម្ចាស់ជយលាភីឆ្នាំចាស់ទាំង៤ បានបកស្រាយចម្រៀងរួមគ្នា មានចំណងជើងថា « អ្នកចម្បាំងនគរ » ដោយបទចម្រៀងនេះមានបញ្ចូលនូវឧបករណ៍ភ្លេងខ្មែរសម្បូរបែបរួមជាមួយល្បុក្កតោ បង្ហាញពីវប្បធម៌ អរិយធម៌ខ្មែរ ។

ការបកស្រាយចម្រៀងរួមគ្នាពីម្ចាស់ជយលាភីទាំង ៤រូបខាងលើ នៅក្នុងថ្ងៃបើកឆាកវគ្គ Sart Fight ពិតជាបានទាក់ទាញការគាំទ្រជាខ្លាំងពីទស្សនិកជន ជាមួយនឹងឆាកដ៏ត្រជាក់ភ្នែកពី Ganzberg Snow នៅលើកញ្ចក់ទូរទស្សន៍ PNN និងផ្លូវការរបស់ Rapper Fighter ។

សូមបញ្ជាក់ថា កម្មវិធីប្រឡងចម្រៀង Rapper Fighter គឺជាកម្មវិធីធំមួយដែលបង្កើតឡើងដោយស្នាដៃកូនខ្មែរសុទ្ធសាធ ដែលផ្សាយលើកញ្ចក់ទូរទស្សន៍ ភីអិនអិន និងផេកផ្លូវការ GANZBERG Snow និង ផេកផ្លូវការ Rapper Fighter ៕