Oppo Reno 10x zoom បានបង្ហាញខ្លួនជាផ្លូវការមានជម្រើស២ពណ៌គឺពណ៌ Fog Sea Green (លក្ខណៈបែកបៃតង) និងពណណ៌ Night Black (ពណ៌ខ្មៅ) ហើយនៅថ្ងៃទី១៨ ខែមិថុនា ខាងមុខនេះ Oppo នឹងបង្ហាញពណ៌ថ្មីមួយទៀតគឺពណ៌ Mist Pink (លក្ខណៈបែកផ្កាឈូក) សម្រាប់ទីផ្សារប្រទេសចិន។ Reno 10x Zoom ពណ៌ផ្កាឈូកថ្មីនេះ នឹងមានមេម៉ូរី២ជម្រើសគឺ 6GB/128GB និង 8GB/256GB។

គួរបញ្ជាក់ផងដែរថា Reno 10x zoom គឺជាស្មាតហ្វូនចុងក្រោយបង្អស់មួយរបស់ក្រុមហ៊ុន Oppo ដែលដំណើរការដោយបន្ទះឈីប Snapdragon 855 មានអេក្រង់ខាងមុខពេញលាតដល់គែម មិនមានក្បាលឆកឡើយ ទំហំ 6.6 អ៉ីញ FHD+ ហើយបំពាក់ដោយកាមេរ៉ាខាងក្រោយ 3គ្រាប់ ដែលមួយទំហំ 48MP សម្រាប់ថតទូលាយធម្មតា មួយទៀតទំហំ 13MP សម្រាប់ថត telephoto ដែលអាច zoom optical បាន 5ដង, zoom hybrid បាន 10ដង និង zoom digital បានដល់ 60ដង និងកាមេរ៉ាមួយគ្រាប់ទៀតទំហំ 8MP សម្រាប់ថតប្លង់ទូលាយខ្លាំង ultra-wide angle។ រីឯកាមេរ៉ាមុខវិញមានទំហំ 16MP បង្កប់នៅក្នុងតួខ្លួនទូរស័ព្ទ ដែលនឹងលៀនចេញពេលថត selfie៕

អត្ថបទ៖ ឌី