តួលេខក្មេងគ្រុនឈាមធ្ងន់ធ្ងរមកព្យាបាលនៅគន្ធបុប្ផា ខែមិថុនា ឆ្នាំនេះ កើនជាងឆ្នាំមុនជិត៦ដង
តួលេខកុមារឈឺធ្ងន់មកសម្រាកព្យាបាលនៅមន្ទីរពេទ្យគន្ធបុប្ផា ក្នុងខែមិថុនា ឆ្នាំ ២០១៩ នេះ មានចំនួនដល់ទៅ ២៣.៣៥២ នាក់ ដែលមានកើនឡើងដល់ទៅ ៥៤% បើប្រៀបធៀបទៅខែ មិថុនា ឆ្នាំ ២០១៨។ នេះបើតាមការប្រកាសនៅលើផេក Dr. Beat Richner។
ដោយឡែកចំពោះតួលេខកុមារមានជំងឺគ្រុនឈាមធ្ងន់ធ្ងរដែលបានមកសម្រាកក្នុងមន្ទីរពេទ្យគន្ធបុប្ផាវិញ មានចំនួនដល់ទៅ ៦.៤០៦ នាក់ឯណោះ ដែលចំនួននេះមានការកើនឡើង ៥,៥ ដង ច្រើនជាងឆ្នាំកន្លងទៅ។
ពាក់ព័ន្ធនឹងករណីផ្ទុះជំងឺគ្រុនឈាមនេះ កន្លងក្រសួងសុខាភិបាលបានប្រកាសប្រកាសអំពីវិធានការទប់ស្កាត់ និងការពារការផ្ទុះឡើងនូវជំងឺគ្រុនឈាម ដោយរួមគ្នាបំបាត់ជម្រុកមូសខ្លា គេងក្នុងមុង ស្លៀកពាក់ខោអាវជិតៗ មិនត្រូវទៅកន្លែងងឹត។
ក្នុងករណីដែលមានរោគសញ្ញាក្តៅខ្លួនខ្លាំងភ្លាមៗ មិនថាមនុស្សចាស់ ឬក៏ក្មេងនោះទេ ត្រូវប្រញាប់នាំអ្នកជំងឺទៅមន្ទីរពេទ្យរដ្ឋដែលនៅជិតបំផុតជាបន្ទាន់ មិនឲ្យយឺតជាង ៧២ ម៉ោង បន្ទាប់ពីក្តៅខ្លួនឡើយ។ ក្នុងនោះដែរ ហាមដាច់ខាតកុំសាកល្បងព្យាបាលអ្នកជំងឺគ្រុនក្តៅខ្លាំងភ្លាមៗនេះដោយខ្លួនឯង ឬពន្យារពេលតាមដានព្យាបាលជំងឺក្នុងមន្ទីរពេទ្យឯកជន ដែលគ្មានចំណេះដឹងផ្នែកជំងឺគ្រុនឈាម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្តល់សិទ្ធិដោយ៖ Helloគ្រូពេទ្យ