នៅព្រឹកថ្ងៃទី២៧​ ខែមិថុនានេះ លោក Song Joong Ki បានធ្វើឲ្យអ្នកគាំទ្រភ្ញាក់ផ្អើលជាខ្លាំងក្រោយពីបានប្រកាសដាក់ពាក្យបណ្តឹងសុំលែងលះអ្នកនាង Song Hye Kyo។ យ៉ាងណាមិញក៏មានការចុះផ្សាយថា អតីតគូស្វាមីភរិយាមួយគូនេះ តាមពិតទៅបានរើចេញពីផ្ទះក្រេបទឹកឃ្មុំរបស់ពួកគេជាច្រើនខែមកហើយ ដោយផ្ទះដ៏ប្រណីតមួយនៅតំបន់ Itaewon ដែលអតីតគូស្វាមីភរិយានេះបានទិញមុនពេលដែលពួកគេបានរៀបអាពាហ៍ពិពាហ៍ជាផ្លូវការ។

ក្នុងនោះផងដែលអ្នកជិតខាងដែលរស់នៅក្បែរផ្ទះអតីតគូស្វាមីភរិយានេះបានបញ្ជាក់ថា អ្នកទាំង២ បានរើចេញពីផ្ទះប្រណិតនេះជាច្រើនខែមកហើយ។ ដោយអ្នកនៅតំបន់នោះបាននិយាយថា ៖ “ខ្ញុំតែងតែចោលសំរាមនៅតាមដងផ្លូវនៅក្នុងសង្កាត់នេះ ប៉ុន្តែខ្ញុំមិនបានឃើញសំរាមដែលយកចេញពីផ្ទះរបស់ Song Joong Ki និង Song Hye Kyo ជាយូរណាស់មកហើយ”។

គួររំលឹកថាថ្មីៗនេះ Song Joong Ki បានដាក់ពាក្យបណ្តឹងលែងលះគ្នា ដោយសង្ឃឹមថានឹងដោះស្រាយបញ្ហាលែងលះដោយរលូន ជាជាងការវាយប្រហារនិងបន្ទោសគ្នាទៅវិញទៅមក៕

ប្រភព៖ Koreaboo

ដោយ៖ ណារ៉ែន