ភ្លាត់អីៗដោយអត់ការពារ ថ្នាំ ៧២ ម៉ោងជួយបាន តែប្រើញឹកប៉ះពាល់ធ្ងន់ធ្ងរ
- July 9, 2019
ថ្នាំពន្យារកំណើតបន្ទាន់ ឬថ្នាំ ៧២ ម៉ោងនោះ ជាជម្រើសល្អបំផុតចំពោះស្រីៗដែលភ្លាត់រួមភេទដោយអត់បានការពារ ដើម្បីបង្ការការផ្ទៃពោះ។ ថ្នាំពន្យារកំណើតបន្ទាន់នេះ ត្បិតតែមានប្រសិទ្ធភាពខ្ពស់មែន ប៉ុន្តែមិនតម្រូវឲ្យស្រីៗយើងប្រើច្រើនដង ឬជាប្រចាំនោះទេ។
លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅថា ថ្នាំពន្យារកំណើតបន្ទាន់ ឬថ្នាំ ៧២ ម៉ោង បង្ការកុំឲ្យមេជីវិតឈ្មោលជួបជាមួយពងមេជីវិតញី ឬពន្យារកុំឲ្យពងមេជីវិតញីធ្លាក់ចេញពីក្រពេញអូវែ ដោយគ្រាន់តែស្រីៗលេបថ្នាំនេះអំឡុងពេល ៣ ថ្ងៃនៃការរួមភេទដែលមិនបានការពារ។ ថ្នាំនេះមានប្រសិទ្ធភាពតែរយៈពេល ៣ ថ្ងៃ (៧២ម៉ោង) បន្ទាប់ពីរួមភេទរួចប៉ុណ្ណោះ។
នៅពេលលេបថ្នាំពន្យារកំណើតបន្ទាន់ ឬថ្នាំ ៧២ ម៉ោង ស្រីៗយើងនឹងជួបផលរំខានមួយចំនួនដូចជា ក្អួតចង្អោរ អស់កម្លាំង ឈឺក្បាល វិលមុខ ឈឺសុដន់ជាដើម។
ដោយហេតុថា លក្ខណៈពិសេសរបស់ថ្នាំពន្យារកំណើតបន្ទាន់មានផ្ទុកនូវសារធាតុអ័រម៉ូនខ្ពស់ជាងថ្នាំពន្យារកំណើតដទៃទៀត ដូច្នេះពុំអនុញ្ញាតឲ្យស្រីៗប្រើថ្នាំនេះច្រើនដងពេកទេ ប្រើត្រឹម ១ដង ឬ២ ដងប៉ុណ្ណោះ។ ចំពោះផលប៉ះពាល់វិញ លោកវេជ្ជបណ្ឌិតថា កាលណាយើងប្រើថ្នាំនេះជាប្រចាំអាចធ្វើឲ្យអ័ម៉ូនប្រែប្រួល រដូវមកមិនទៀង ឯករណីធ្ងន់ធ្ងរវិញ ឈានដល់ការធ្លាក់ឈាមនៅចន្លោះរដូវ។
ដើម្បីបង្ការការមានផ្ទៃពោះ លោកវេជ្ជបណ្ឌិត ចាន់ ស៊ីណេត បានលើកទឹកចិត្តឲ្យស្រីគ្នាយើងប្រើមធ្យោបាយពន្យារកំណើតផ្សេងៗទៀត ដូចជាប្រើស្រោមអនាម័យ ថ្នាំគ្រាប់ ថ្នាំចាក់ កងដាក់ស្រោមស្បែក កងដាក់ក្នុងស្បូនជាដើម។
ផ្តល់សិទ្ធដោយ៖ Helloគ្រូពេទ្យ
- Share This Post:
អត្តបទទាក់ទង
-
សុខភាពរោគសញ្ញា ១០ យ៉ាង បង្ហាញថាយើងកំពុងខ្វះវីតាមីន C
December 4, 2021
-
សុខភាពតើការទទួលទានកាហ្វេច្រើន នឹងអោយវិវត្តន៏ជាជំងឺទឹកនោមផ្អែមប្រភេទទី២ទេ? (ពន្យល់ដោយលោកវេជ្ជបណ្ឌិត អុឹង បញ្ញារិទ្ធ)
October 10, 2021
-
សុខភាពស្រីៗមានផ្ទៃពោះ ចង់ញ៉ាំទុរេន ត្រូវដឹងរឿងទាំងនេះសិន!
January 25, 2021
-
សុខភាពចំណីអាហារមានដាក់សារធាតុបូរ៉ាក់ ញ៉ាំទៅប៉ះពាល់អីខ្លះ?
January 16, 2021