នោះ! ទើបប្រកាសចេញលក់ម្សិលមិញសោះ ឥឡូវ Huawei P20 អាចនឹងមិនមានមុខនៅលើទីផ្សារសហរដ្ឋអាមេរិចឡើយ…

កាលពីម្សិលមិញនេះ ក្រុមហ៊ុន Huawei បានសម្រេចប្រកាសទាក់ទងទៅនឹងស្មាតហ្វូន P20 និង P20 Pro របស់ខ្លួន ដែលគេស្គាល់ថាជាម៉ូដែលកំពូល។ ដោយឡែក ទាក់ទងទៅនឹងម៉ូដែលកំពូលនេះ យើងនៅមិនទាន់ច្បាស់នៅឡើយទេថា តើក្រុមហ៊ុនចែកចាយផ្សេងៗ ក្នុងសហរដ្ឋអាមេរិចនឹងយកស្មាតហ្វូននេះដើម្បីលក់ក្នុងទីផ្សារ រឺយ៉ាងណា។

ជាការពិតណាស់ វាអាចជារឿងដ៏គួរឲ្យភ្ញាក់ផ្អើលមួយ ប៉ុន្ដែមិនមែនជាអ្វីដែលប្លែកឡើយ ព្រោះកាលពីជំនាន់ Huawei Mate 10 គឺធ្លាប់មានបញ្ហាម្ដងរួចហើយជាមួយនឹងរាជរដ្ឋាភិបាលសហរដ្ឋអាមេរិច។ ដូចនេះ សម្រាប់ម៉ូដែលបន្ដរបស់ត្រកូល P យើងនៅមិនទាន់ដឹងនៅឡើយទេថា តើទីផ្សារសហរដ្ឋអាមេរិចនឹងអាចនាំចូលស្មាតហ្វូននេះបាន រឺអត់។

គួរបញ្ជាក់ផងដែរថា ចំពោះម៉ូដែល Mate 9 របស់ក្រុមហ៊ុន Huawei ត្រូវបានចលាចលលក់ពាសពេញទីផ្សាររបស់សហរដ្ឋអាមេរិច ហើយលក្ខខណ្ឌនេះ ក៏នឹងអាចនៅតែប្រើប្រាស់សម្រាប់ត្រកូល P ដែរ ពោលគឺក្រុមហ៊ុន Huawei នឹងធ្វើតាមលក្ខខណ្ឌដែលអាចទៅរួច ដើម្បីទទួលបានសិទ្ធអនុញ្ញាតទីផ្សារក្នុងប្រទេសនោះបាន។ ទោះជាយ៉ាងណា បញ្ហាជាច្រើនរវាងរដ្ឋាភិបាលប្រទេសទាំងពីរ (ចិន និងសហរដ្ឋអាមេរិច) គឺនៅតែបន្ដ ហើយមនុស្សជាច្រើនសង្ឃឹមថា ដំណោះស្រាយ និងការផ្លាស់ប្ដូរនឹងកើតមានក្នុងពេលដ៏ខ្លីខាងមុខនេះ។

Fu

ប្រភព៖ gsmarena