ទីបំផុតទៅក្រុមហ៊ុន Nintendo បានប្រកាសកាលបរិច្ឆេទនៃការបញ្ចេញហ្គេមទូរស័ព្ទ Mario Kart Tour ជាផ្លូវការហើយគឺនៅថ្ងៃទី ២៥ ខែ កញ្ញាខាងមុខនេះ។ Mario Kart Tour នឹងមានវត្តមានទាំងនៅក្នុង App Store និង Google Play សម្រាប់អ្នកប្រើប្រាស់ទូរស័ព្ទប្រភេទ Android និង iOS អាចទាញយកមកលេងបានដោយសេរី។ យ៉ាងណាក្តី នៅក្នុងកម្មវិធីហ្គេមនោះក៏មានបន្ថែមជម្រើសឲ្យអ្នកប្រើប្រាស់ទាំងអស់អាចប្រើលុយទិញនូវរបស់មួយចំនួនផងដែរប្រសិនបើពួកគេត្រូវការ តែបើកពួកគេមិនចង់ទិញនោះទេក៏នៅតែអាចលេងហ្គេមនេះបានជាធម្មតាដែរ។

យោងតាមការចុះផ្សាយនៅក្នុងសារព័ត៌មាន Phonearena បានឲ្យដឹងថា ដើម្បីលេងហ្គេម  Mario Kart Tour លោកអ្នកត្រូវបង្កើតគណនី Nintendo Account មួយជាមុនសិនដើម្បីអាចចុះឈ្មោះហ្គេមបាន ហើយនៅពេលលេងហ្គេមលោកអ្នកត្រូវភ្ជាប់ជាមួយនឹងអ៊ីនធឺណិត។ ហ្គេម Mario Kart Tour សម្រាប់ទូរស័ព្ទដៃនឹងផ្តល់ជម្រើសឲ្យលោកអ្នកអាចជ្រើសរើសអ្នកបើកបរ រទះ ទីក្រុងសម្រាប់លេង និងឧបករណ៍ផ្សេងទៀតតាមដែរលោកអ្នកចង់បាន។ សូមកុំឲ្យខកខានណា ថ្ងៃទី ២៥ ខែ កញ្ញាខាងមុខនេះ ទាញយកហ្គេមដ៏អស្ចារ្យនេះលេងទាំងអស់គ្នាដោយសេរី៕

អត្ថបទ៖ ភក្តី