Facebook ធ្វើឲ្យអ្នកប្រើប្រាស់ស្ត្រេស ហើយបើបន្ដប្រើទៀត នឹងនាំឲ្យញៀន
ការប្រើបណ្ដាញសង្គមញឹកញាប់ ដូចជា Facebook ឬ Instagram បង្កឲ្យអ្នកប្រើប្រាស់ ជួបបញ្ហាស្ត្រេសយ៉ាងខ្លាំង ដែលគេហៅថា “Techostress”។ សម្រាប់អ្នកប្រើប្រាស់ដែលជួបបញ្ហាស្ត្រេស ហើយបន្ដប្រើបណ្ដាញសង្គមដដែលនេះ នឹងនាំឲ្យពួកគេញៀន។
ក្រុមអ្នកជំនាញ IT សាកលវិទ្យាល័យ Lancaster របស់ចក្រភពអង់គ្លេស បានសិក្សាលើអ្នកប្រើប្រាស់ Facebook ចំនួន ៤៤៤នាក់។ អ្នកជំនាញ បានពិនិត្យ និងប្រទះឃើញទម្រង់ Technostress ចំនួន ២ប្រភេទ ដែលបង្កឡើងដោយការប្រើប្រាស់បណ្ដាញសង្គម។
ប្រភេទ Technostress ទី១ ពាក់ព័ន្ធនឹងក្រុមអ្នកប្រើប្រាស់ ដែលបានចាកចេញពី Facebook ចំណាយពេលតិចលេង Facebook ឬងាកទៅចំណាយពេលជាមួយគ្រួសារ ឬពួកម៉ាកវិញ។ ប្រភេទ Technostress ទី២ ពាក់ព័ន្ធនឹងអ្នកប្រើប្រាស់ Facbook ញឹកញាប់ ប៉ុន្ដែពួកគេនៅបន្តសកម្មភាពជាច្រើន ក្នុងទម្រង់បណ្ដាញសង្គមដដែលនេះ ទោះបីពួកគេស្ត្រេសក៏ដោយ។
អ្វីដែលអ្នកស្រាវជ្រាវ កង្វល់ គឺក្រុម Technostress ទី២ ព្រោះវាហាក់ដូចជាប្រឆាំងនឹងវិចារណញ្ញាណ ដែលអ្នកប្រើប្រាស់ Facebook នៅបន្ដប្រើប្រាស់ទៀត ទោះបីបណ្ដាញសង្គមមួយនេះ បានបណ្ដាលឲ្យស្ត្រេសក៏ដោយ។ អ្នកស្រាវជ្រាវ បន្ថែមថា នេះដោយសារ Facebook ផ្ដល់ Tool ជាច្រើន ដូច្នេះអ្នកប្រើប្រាស់ អាចជួបបញ្ហាស្ត្រេស តែក៏អាចកាត់បន្ថយបញ្ហាស្ត្រេសផងដែរ ពីការប្រើប្រាស់បណ្ដាញសង្គមដដែលនេះ។
ជាលទ្ធផល ការបន្ដស្ថិតនៅក្នុងបរិស្ថាន Facebook មិនចាកចេញដូច្នេះ នឹងនាំឲ្យអ្នកប្រើប្រាស់ញៀន Facebook។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្តល់សិទ្ធិដោយ៖ Helloគ្រូពេទ្យ