ក្រុមហ៊ុន Apple នឹងផ្សាយបន្តផ្ទាល់នូវវត្តមាន iPhone 11 នៅម៉ោង ១២យប់នេះ ចេញពីសាល Steve Jobs Theater

យោងតាម GSMarena បានឱ្យដឹងថា ក្រុមហ៊ុន Apple អាចនឹងបង្ហាញ iPhone ថ្មីចំនួន ៣ម៉ូដែល នៅថ្ងៃនេះគឺ iPhone 11, iPhone 11 Pro និង iPhone 11 Pro Max ។ ហើយមុនពេលចេញលក់ជាផ្លូវការ តម្លៃរបស់វាទាំង ៣ ក៏បានបែកធ្លាយចេញមកបណ្ដើរៗហើយដែរ ដោយ iPhone 11 នឹងមានតម្លៃចាប់ពី ៧៤៩ដុល្លារ, iPhone 11 Pro ចាប់ពី ៩៩៩ដុល្លារ និង Pro Max ចាប់ពី ១០៩៩ដុល្លារ តរៀងគ្នា។ លោកអ្នកអាចពិនិត្យមើលតារាងខាងក្រោមសម្រាប់ព័ត៌មានលម្អិត។

ព្រឹត្តិការណ៍ប្រកាសនឹងចាប់ផ្តើមនៅម៉ោង ១០ព្រឹក (ម៉ោងនៅប៉ាស៊ីហ្វិក) ដែលត្រូវនឹងម៉ោង ១២យប់ ឆ្លងចូលថ្ងៃទី១១ ខែកញ្ញា (ម៉ោងនៅកម្ពុជា) ហើយលោកអ្នកក៏អាចមើលបន្តផ្ទាល់តាមរយៈ YouTube ផងដែរ ហើយវាជាលើកដំបូងបំផុត ដែលក្រុមហ៊ុន Apple នឹងធ្វើការផ្សាយបន្ដផ្ទាល់កម្មវិធីប្រកាសរបស់ពួកគេ។

https://www.youtube.com/watch?v=YUCUR0ML2Q4

អត្ថបទ៖ លីដា