អស់រយៈពេលជាច្រើនឆ្នាំមកហើយ ដែលក្រុមហ៊ុនផលិតទូរស័ព្ទធំបំផុតលើលោករបស់អាមេរិក Apple គឺមានឈ្មោះជាក្រុមហ៊ុនស្មាតហ្វូនតែមួយគត់ ដែលនៅតែបន្តដំណើរការបច្ចេកវិទ្យាសាកថ្មទូរស័ព្ទ ដែលមានកម្លាំងខ្សោយទៅលើម៉ូដែលដ៏មានតម្លៃរបស់ខ្លួន។

ក្រុមហ៊ុនដែលមានមូលដ្ឋានទៅទីក្រុង Cupertinho មួយនេះត្រូវបានគេជឿជាក់ថា នៅតែប្រើប្រាស់ឆ្នាំងសាក ដែលមានកម្លាំងត្រឹមតែ 5W ខណៈក្រុមហ៊ុនផ្សេងៗលោតដល់ 40W ទៅ 50W ទៅហើយ។ ក្នុងនោះគេបានដឹងទៀតថា រាល់ការសាកថ្មទូរស័ព្ទ iPhone នីមួយៗត្រូវចំណាយពេលទៅដល់៣ម៉ោង ដើម្បីសាកបានពេញ។

ប៉ុន្តែសម្រាប់ឆ្នាំ២០១៩នេះ ទីបំផុត Apple បានធ្វើការកែប្រែខ្លួនបន្តិចតាមរយៈដុំសាកជំនួយមួយ ដែលប្រើប្រាស់ការតភ្ជាប់ USB-C និងអះអាងថា មានកម្លាំង 18W ជាមួយនឹងស៊េរីចុងក្រោយបំផុតរបស់ខ្លួនគឺ iPhone 11។ ការធ្វើតេស្តបានបង្ហាញថា វាមានល្បឿនលឿនគ្រាន់បើធៀបទៅនឹងម៉ូដែលជំនាន់មុនៗដោយចំណាយពេលសាកកន្លះម៉ោងបានថាមពលថ្ម 55% និងសាកមួយពេញចំណាយពេលតែ 1 ម៉ោង 42នាទីប៉ុណ្ណោះ។

+ 15 នាទីបានថ្ម 28%
+ 30 នាទីបានថ្ម 55%
+ 45 នាទីបានថ្ម 74%
+ 1 ម៉ោងបានថ្ម 85%
+ 1 ម៉ោង 15 នាទីបានថ្ម 94%
+ 1 ម៉ោង 30 នាទីបានថ្ម 98%
+ 1 ម៉ោង 42នាទីបានថ្ម : 100%

ថ្វីត្បិតតែមានល្បឿនល្អជាងគេក្នុងចំណោមម៉ូដេលជំនាន់ណាទាំងអស់ក៏ពិតមែន ប៉ុន្តែបើប្រៀបធៀបជាក់ស្តែងទៅនឹងទីផ្សារជាក់ស្តែង iPhone 11 និងកម្លាំងសាកថ្មរបស់វាមិនអាចប្រដូចទៅនឹងល្បឿនសាកថ្មរបស់ Samsung Galaxy Note 10, OPPO Reno, Huawei P30 Pro និង OnePlus 7 Pro បានឡើយ ដោយស្មាតហ្វូនទាំងនេះចំណាយពេលសាកថ្មមួយពេញតែ 1ម៉ោងជាងតិចប៉ុណ្ណោះ ឬស៊េរីខ្លះមិនដល់ 1ម៉ោងផង៕

អត្ថបទ៖ Lee