ខោអាវក្នុងជាបណ្តុំបាក់តេរី មិនដឹងវិធីបោក ដឹងតែសម្លាប់មេរោគមិនអស់ទេ
- October 30, 2019
ទោះជាយើងធ្វើការនៅក្នុងបន្ទប់មានម៉ាស៊ីនត្រជាក់ក៏ដោយ តែខោក្នុង អាវក្នុងរបស់យើង បានប្រឡាក់ជាប់បាក់តេរី និងមេរោគជាច្រើន ពីរាងកាយរបស់យើង ហើយអ្នកជំនាញផ្នែកអនាម័យបញ្ជាក់ថា យើងបោកគក់វាមិនបានត្រឹមត្រឹមទេ និងមិនអាចសម្លាប់មេរោគបានទាំងស្រុងនោះទេ។
វេជ្ជបណ្ឌិតផ្នែកអនាម័យ Lisa Ackerley នៅអង់គ្លេស បញ្ជាក់ថា ការបោកគក់ខោក្នុង អាវក្នុង នៅកម្រិតសីតុណ្ហភាព ៣០-៤០អង្សាសេ មិនអាចសម្អាត និងសម្លាប់ពពួកបាក់តេរីបាននោះទេ។ លោកស្រីណែនាំឲ្យបោកគក់ក្នុងកម្រិតសីតុណ្ហភាព លើស ៦០អង្សាសេ។
ប៉ុន្ដែប្រសិនបើមិនអាចបោកគក់ខោក្នុង អាវក្នុង នៅកម្រិតសីតុណ្ហភាពខ្ពស់បានទេ វេជ្ជបណ្ឌិតខាងលើ ណែនាំឲ្យប្រើទឹកអនាម័យសម្រាប់បោកគក់ (Laundry Sanitiser) ដែលអាចរកទិញបាននៅតាមផ្សារទំនើប។
ចំណែកវេជ្ជបណ្ឌិត Jenna Macciochi ជំនាញផ្នែកប្រព័ន្ធការពារ នៅសាកលវិទ្យាល័យ Sussex នៅចក្រភពអង់គ្លេស បញ្ជាក់ថា ប្រសិនបើអនាម័យ ជាអាទិភាពសំខាន់បំផុត ការបោកគក់នៅកម្រិតសីតុណ្ហភាព ៦០អង្សាសេ ក៏មិនគ្រប់គ្រាន់ដែរ។ “៦០អង្សាសេ មិនអាចសម្លាប់បាក់តេរីទាំងស្រុងទេ ជាពិសេស ប្រសិនបើម៉ាស៊ីនឈានដល់កម្រិតសីតុណ្ហភាពនេះ ត្រឹមរយៈពេលខ្លី… ភាគច្រើន ម៉ាស៊ីនមិនអាចរក្សាកម្រិតសីតុណ្ហភាពនេះ រហូតបោកគក់រួចរាល់នោះទេ“។
លោកវេជ្ជបណ្ឌិតក៏បានលើកឡើងដែរថា សំលៀកបំពាក់ខ្លះ មានសារធាតុប្លាស្ទិក ដូច្នេះយើងមិនអាចបោកគក់នៅកម្រិតសីតុណ្ហភាពខ្ពស់នោះទេ ដូច្នេះវាគួរបោកគក់នៅសីតុណ្ហភាពកម្រិតទាប។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្តល់សិទ្ធិដោយ៖ Helloគ្រូពេទ្យ
- Share This Post: