Apple ត្រូវបានគេជឿជាក់ថា កំពុងរៀបចំស៊េរីទូរស័ព្ទ iPhone ជាច្រើនទៀត ដែលនឹងត្រូវដាក់បង្ហាញនៅឆ្នាំក្រោយ ហើយថ្ងៃនេះអ្នកវិភាគក្រុមហ៊ុន Apple ដ៏ល្បីគឺលោក Ming-Chi Kuo បានធ្វើការការព្យាករណ៍ថ្មីអំពីព័ត៌មានបន្ថែមអំពីផែនការរបស់ Apple សម្រាប់ឆ្នាំ ២០២១ទៀតផង ។ ជាធម្មតាApple នឹងបង្ហាញម៉ូដែលថ្មីរបស់ខ្លួនចំនួន៣ចាប់តាំងតែពីឆ្នាំ២០១៧មក ប៉ុន្តែតាមផែនការយុទ្ធសាស្ត្រថ្មីសម្រាប់ឆ្នាំ២០២០ខាងមុខនេះក្រុមហ៊ុននឹងប្តូរទៅជា៥ម៉ូដែលវិញនេះ បើយោងតាមការអះអាងរបស់វេបសាយ Phonearena ដែលក្នុងនោះមានដូចជា iPhone SE2, iPhone 12 Pro ,iPhone 12 Pro Max ,iPhone 12 Plus/Max និង iPhone 12។

ដោយឡែកនាឆ្នាំ២០២១ វិញលោក Ming Chi Kuo បានជឿជាក់ថា ក្រុមហ៊ុន Apple នឹងបន្តយុទ្ធសាស្ត្រ៥ម៉ូដែលក្នុងមួយឆ្នាំដដែលដោយក្នុងនោះ iPhone SE2 Plus នឹងអាចបង្ហាញខ្លួនក្នុងពេលនេះ ខណៈដែល iPhone 12 នឹងប្តូរទៅជាប្រើប្រាស់កញ្ចក់ OLED ក្នុងខែកញ្ញា ឆ្នាំ២០២០១នេះ។

ឆ្នាំ២០២១ នេះផងដែរលោក Kuo បានជឿជាក់ទៀតថា iPhone នឹងមកជាមួយនឹងអេក្រង់ទំហំ៥,៥អ៉ីញ ឬ ៦,១អ៉ីញដោយត្រលប់មកបច្ចេកវិទ្យា Touch ID វិញជាជាងបច្ចេកវិទ្យា Face ID ដែលកំពុងត្រូវបានប្រើប្រាស់បច្ចុប្បន្ន ហើយចំណុចពិសេសចុងក្រោយមួយទៀតនោះគឺរាល់ iPhone ទាំងអស់ក្នុងឆ្នាំនេះនឹងមិនមានប្រើប្រាស់ខ្សែឡើយសូម្បីតែ USB-C ក្តី៕

អត្ថបទ៖ Lee