Samsung Galaxy S11 ទំនងជាមានល្បឿនលឿនជាង iPhone 11 Pro ទៅទៀត

យោងតាមអត្ថបទចេញផ្សាយមួយ ដែលត្រូវបានធ្វើឡើងដោយកាសែតអង់គ្លេសដ៏ល្បី The Sun Tech កាលពីថ្ងៃអង្គារបានសរសេរថា ស្មាតហ្វូនថ្មីរបស់ Samsung គឺ Galaxy S11 គឺទំនងជានឹងអាចមានល្បឿនលឿនជាងស្មាតហ្វូនថ្មីរបស់ក្រុមហ៊ុន Apple ជាមិនខាន។ ប្រភពដដែលនេះបានសរសេរទៀតថា iPhone 11 Pro ទោះបីជាមិនទាន់បានចេញមកជាផ្លូវការក្តី ប៉ុន្តែបានធ្វើឲ្យអ្នកជំនាញ និងវិភាគបច្ចេកវិទ្យាជាច្រើនស្ញើចសរសើរខ្លាំងថា វានឹងក្លាយទៅជាស្មាតហ្មូន ដែលមានល្បឿនលឿនជាងគេនៅលើលោកជាមិនខាន។

ប៉ុន្តែបើយោងតាមអ្វីដែលជាការធ្វើតេស្ត និងការវិភាគទៅលើបន្ទះឈីប ដែលនឹងមាននៅលើស្មាតហ្វូនទាំង២វិញនោះគេអាចមើលឃើញវិញថា Galaxy S11 នោះទេដែលនឹងអាចទទួលតំណែងនេះបាន។ តាមការធ្វើតេស្តរបស់ TechRadar បានជឿជាក់ថា Galaxy S11 ដែលនឹងបំពាក់បន្ទះឈីប Snapdragon 865 បច្ចេកវិទ្យាចុងក្រោយបង្អស់របស់ក្រុមហ៊ុនផលិតឈីបដ៏ល្បីអាមេរិក Qualcomm ទទួលបានពិន្ទុដល់ទៅ ៣ ៤៥០ ពីការវាស់វែងនៃប្រព័ន្ធដំណើរការតាមបែបកំព្យួទ័រ ខណៈបន្ទះឈីបរបស់ iPhone 11 Pro Max ទទួលបានកម្រិតពិន្ទុ ៣ ៣៣៧ប៉ុណ្ណោះ៕

អត្ថបទ៖ ស៊ុនលី