ទិដ្ឋភាពសិល្បករ សិល្បការិនី ចូលរួមអបអរសាទរពិធីមង្គលការលោក រិន សាវេត កាលពីយប់មិញនេះ

កាលពីរាត្រីថ្ងៃទី១៨ ខែធ្នូ​ ឆ្នាំ២០១៩ ម្សិលមិញនេះ គេសង្កេតឃើញមានវត្តមានសិល្បករ សិល្បការិនី យ៉ាងច្រើនបានមកប្រមូលផ្តុំជួបជុំគ្នា ដើម្បីចូលរួមពិធីមង្គលការរបស់តារាចម្រៀងលោក រិន សាវេត ជាមួយនឹងភរិយាឈ្មោះ លីម គីមហ្គេច។

កម្មវិធីមង្គលការនារាត្រីពេលយប់ម្សិលមិញនេះត្រូវបានធ្វើឡើងនៅ វិមានពិភពថ្មីសែនសុខ អគារE ពោរពេញដោយបរិយាកាសសប្បាយរីករាយជាខ្លាំងដោយសិល្បករ សិល្បការិនីដែលបានចូលរួមមានដូចគ្នា លោកព្រាប សុវត្ថិ លោក អ៊ឹម ជីវ៉ា នាយចាបចៀន និងតារាប្រុសស្រីជាច្រើននាក់ទៀត។ មហាជនជាច្រើន និងសិល្បករ សិល្បការិនី រួមអាជីពបានសំដែងការអបអរដល់រូបលោក និងអនាគតភរិយា ដោយជូនពរឲ្យស្រលាញ់គ្នាដល់ចាស់កោងខ្នង៕