ចាប់ពីថ្ងៃនេះដល់ថ្ងៃទី២៩ អ្នកប្រើប្រាស់ iOS កុំភ្លេចចូល App Store ឲ្យបានរាល់ថ្ងៃ ដើម្បីយកកាដូពី Apple
បច្ចេកវិទ្យា December 25, 2019 Khmernote

ចាប់ផ្តើមពីថ្ងៃនេះរហូតដល់ថ្ងៃទី ២៩ ធ្នូ គេជឿជាក់ថា ក្រុមហ៊ុនយក្សApple នឹងចាប់ផ្តើមផ្តល់ជូនសម្រាប់អ្នកដែលប្រើប្រាស់ iOS ទាំងឡាយនូវកាដូដ៏ភ្ញាក់ផ្អើលមួយជារៀងរាល់ និងដោយមិនគិតថ្លៃឡើយ។ អំណោយដ៏គួរឲ្យចាប់អារម្មណ៍នេះនឹងអាចរកបាននៅក្នុង App Store គឺជាការផ្តល់ជូននូវកម្មវិធី និងហ្គេមល្អៗមួយចំនួនដោយឥតគិតថ្លៃ។ អ្នកខ្លះរំពឹងថា នឹងមានកាដូធំៗលើសពីនេះតែតាមពិតជាក់ស្តែងវាគឺជាការផ្តល់ជូនដែល Apple ធ្លាប់បានធ្វើកន្លងមកផងដែរដូចជាប្រមូសិន ដែលមានឈ្មោះថា 12 Days of Gift និង 12 Days of Christmas ជាដើមដោយលើកនេះខ្លួននឹងធ្វើវាត្រឹមតែរយៈពេលចន្លោះពីថ្ងៃទី២៤ទៅ២៩ខែធ្នូប៉ុណ្ណោះ ហើយកម្មវិធីដែលអាចផ្តល់ជូននោះមានដូចជា paid app, digital music, television shows និង movies ផងដែរ។

មិនមានការអះអាងបញ្ជាក់ច្បាស់ថា Apple នឹងធ្វើបែបនេះទៅគ្រប់ប្រទេសនោះទេ ប៉ុន្តែអូស្ត្រាលី និងអាស៊ីគឺចាប់ផ្តើមដំណើរការរួចទៅហើយ។ ដូចនេះកុំភ្លេចណាចូលទៅ App Store ជារៀងរាល់ដើម្បីបើកកញ្ចប់កាដូជារៀងរាល់ថ្ងៃ!

អត្ថបទ៖ ស៊ុនលី