ឆ្នាំ២០២០នេះ Apple ប្រហែលឈប់ប្រើម៉ូដសក់ក្បាលឆក និងលែងប្រើបច្ចេកវិទ្យា Face ID នៅលើ iPhone ទៀតហើយ

រំលឹកឡើងវិញអំពីគ្រាដែល Apple បានបង្ហាញម៉ូដែលដំបូង ដែលមានក្បាលឆកដ៏ធំ និងមុខងារ Face ID គឺកាលពីឆ្នាំ២០១៧ ដែល iPhone X ជាអ្នករ៉ាប់រងផ្តល់បទពិសោធន៍ដ៏ប្លែកនេះទៅឲ្យអតិថិជនរបស់ខ្លួន។ តែអស់រយៈពេល៣ឆ្នាំមកហើយទីបំផុតក្រុមហ៊ុន Apple ត្រូវបានគេសង្ស័យថា អាចនឹងសម្រេចចិត្តលប់ចោលមុខងារទាំង២នេះចេញទៅវិញពី iPhone ទាំងអស់របស់ខ្លួនគិតចាប់ពីឆ្នាំ២០២០នេះតទៅ។ នេះជាការចេញផ្សាយដោយ LetsGo Digital និង TechRadar ផងដែរ ដែលបានសេរសេរថា ទាំងម៉ូដសក់ក្បាលឆក (Notch) និង Face ID នឹងលែងមានវត្តមានទៀតឡើយសម្រាប់គ្រប់ម៉ូដែលទាំងអស់របស់ខ្លួនចាប់ពីឆ្នាំ២០២០នេះទៅ។

Face ID នឹងត្រូវជំនួសដោយបច្ចេកវិទ្យាស្កេនក្រយ៉ៅដៃដែលមានឈ្មោះថា biometric sensor located ដែលបច្ចេកវិទ្យានេះត្រូវបានគេជឿជាក់ថាវាមានលក្ខណៈស្រដៀងទៅនឹង Galaxy 10e ដែល Samsung កំពុងប្រើប្រាស់។ ក្នុងនោះផងដែរតាមរយៈប៉ាតង់ដែល Apple បានដាក់ស្នើសុំនៅក្នុងប្រទេសជប៉ុន ត្រូវបានគេជឿជាក់បានធ្វើឡើងកាលពីថ្ងៃទី២៣ ខែធ្នូនោះបញ្ជាក់ថា Notch free ឬមិនមានក្បាលឆកនោះនឹងត្រូវធ្វើឡើងផងដែរ ចំពោះម៉ូដែល iPhone ជាច្រើនក្នុងឆ្នាំនេះ៕

អត្ថបទ៖ ស៊ុនលី