ក្រោយបូជាសពស្វាមីចប់សព្វគ្រប់រួចមក តារាសម្តែង ឡោម លក្ខិណា បានបង្ហោះសារយ៉ាងអាឡោះអាល័យជូនដំណើរស្វាមីថា…
- January 18, 2020
កាលពីព្រឹកថ្ងៃសុក្រ ទី១៦ ខែមករា ឆ្នាំ២០២០ កន្លងទៅនេះ តារាសម្តែង លោក ផា ពិសទ្ធិ ដែលជាស្វាមីរបស់តារាសម្តែង ឡោម លក្ខិណា បានជួបគ្រោះថ្នាក់ចរាចរណ៍ បណ្តាលឲ្យរូបលោកស្លាប់បាត់បង់ជីវិត។ ពិធីបុណ្យសពរបស់តារាសម្តែងលោក ផា ពិសិទ្ធ ត្រូវបានក្រុមគ្រួសារតម្កល់ធ្វើបុណ្យតាមប្រពៃណីនៅវត្ត ក្រាំងធ្នង់ កាលពីថ្ងៃទី១៧ ខែមករា ឆ្នាំ២០២០ ម្សិលមិញនេះ។
ក្រោយពិធីបូជាសពរបស់ស្វាមីបានចប់សព្វគ្រប់ តារាសម្តែង ឡោម លក្ខិណា ក៏បានបង្ហោះសារយ៉ាងរំជួលចិត្តថា៖ “សល់តែ45នាទីទៀតទេបងត្រូវបានបូជាហេីយ បងចាកចេញចោលអូននឹងកូន ម៉ាក់ប៉ា ញាតិមិត្ត បងប្អូន រហូតហេីយអូនគ្មានពាក្យអ្វីនិយាយទេពេលនេះ មានតែពាក្យថា តស៊ូ រឹងមាំ តាំងជំហរ ដេីម្បីកូនយេីងអូននឹងមេីលថែរក្សាចិញ្ចឹមបីបាច់កែវភ្នែករបស់យេីងទាំងពីរអោយបានល្អសូមបងទៅកាន់សុគតិភពណាប្តីសម្លាញ់ចិត្តកុំបារម្ភពីកូនអីណាប្តីណាអូនសន្យាថានឹងធ្វេីអោយសម្រេចបំណងរបស់បង”៕
- Share This Post: