សិល្បៈ
ពាន Best Actor បានទៅលើលោក Joaquin Phoenix ដែលដើរតួជា “Joker” ក្នុងកម្មវិធីពានរង្វាន់ Oscar
BY Khmernote Media
February 10, 2020
ដូចការរំពឹងទុក លោក Joaquin Phoenix ដែលដើរតួជា “Joker” បានឈ្នះពានរង្វាន់ Best Actor នៅក្នុងកម្មវិធីប្រគល់ពានរង្វាន់ Academy Awards លើកទី ៩២ ហើយនេះក៏ជាពាន Oscar ដំបូងដែលលោកទទួលបាននៅក្នុងអាជីពសម្តែង។ តារាសម្តែងវ័យ៤៥ឆ្នាំរូបនេះ បានឈរឈ្មោះដណ្តើមពានដ៏ធំជាមួយនឹង លោក Adam Driver សម្តែងក្នុងរឿង Marriage Story និងលោក Leonardo DiCaprio សម្តែងក្នុងរឿង Once Upon a Time in Hollywood។
សូមរំលឹកថាខ្សែភាពយន្តនេះនិយាយពីដើមកំណើតពិតរបស់តួអង្គចិត្តអាក្រក់ដ៏ល្បីល្បាញ ជាពិសេសជាមួយនឹងការបញ្ចេញសមត្ថភាពនៃការសម្ដែងដ៏អស្ចារ្យពីលោក Joaquin Phoenix ដែលនៅពេលមុនថតរឿងនេះលោកបានខិតខំសម្រកគីឡូរហូតដល់ទៅ២៤គីឡូ ដើម្បីឲ្យមានរូបរាងសាកសមទៅនឹងតួអង្គនៃសាច់រឿង៕
