បច្ចេកវិទ្យា
iPhone 12 នឹងមានពណ៌ថ្មី គឺពណ៌ខៀវ (Navy Blue)
BY autoadmin
March 5, 2020
យោងតាមសារព័ត៌មានបច្ចេកវិទ្យា Macrumors បានចុះផ្សាយថា គំរូនៃទូរស័ព្ទ iPhone ជំនាន់ថ្មីគឺ iPhone 12 បានបែកធ្លាយជាសាធារណៈហើយនៅតាមបណ្តាញអ៊ីនធឺណិត។ ប្រភពដដែលនេះបានឲ្យដឹងថា iPhone 12 នឹងមានពណ៌ពិសេសមួយគឺពណ៌ខៀវ (Navy Blue) និងដំណើរការដោយប្រព័ន្ធអ៊ីនធឺណិតកម្រិត 5G។ ចំពោះផ្នែកខាងក្នុងទូរស័ព្ទវិញមិនត្រូវបានគេបង្ហាញច្បាស់ឡើយ ដូចជាអំពីទំហំកាមេរ៉ា ទំហំអង្គចងចាំ និងទំហំរេមជាដើម។
ជាមួយគ្នានេះដែរសារព័ត៌មានខាងលើក៏បានបញ្ជាក់ថា ក្រុមហ៊ុន Apple គ្រោងនឹងចេញលក់ទូរស័ព្ទ iPhone SE2 ឬ iPhone 9 ជំនាន់ថ្មី ក្នុងពេលដំណាលគ្នាជាមួយនឹងការចេញលក់ទូរស័ព្ទ iPhone 12 ផងដែរ។ ចំពោះកាលបរិច្ឆេទចេញលក់ទូរស័ព្ទដូចបានរៀបរាប់ខាងលើនេះវិញត្រូវបានគេជឿថា អាចនៅពាក់កណ្តាល ឬចុងឆ្នាំ ២០២០នេះ៕
អត្ថបទ៖ ភក្តី