ចេញហើយ Trailer រឿង រាជបុត្រកង្កែប ឃើញហើយអន្ទះសារចង់មើលតែម្តង!

ស្របពេលរឿង រាជិនីភូមិគ្រឹះ បង្ហាញតម្រុយជិតដល់ភាគបញ្ចប់ ហង្សមាសក៏បានបញ្ចេញ Trailer រឿងភាគថ្មីភ្លាមៗផងដែរគឺរឿង រាជបុត្រកង្កែប ដែលសាច់រឿងផ្ដល់នូវភាពខុសប្លែកសម្រាប់ចក្ខុ និងអារម្មណ៍របស់ទស្សនិកជនចំពោះរឿងភាគខ្មែរ។

ខ្សែភាពយន្តភាគ រាជបុត្រកង្កែប ដែលមានលោក នី រតនា ដើរតួជាលោក ដេវីដ ជានាយកប្រតិបត្តិ នៃសណ្ឋាគារដ៏ធំមួយ និងជាអ្នកស្នងមរតកមហាសាល តែបែជាមានចរឹតគួរឱ្យស្អប់ ចិត្តត្រជាក់ និងគ្មានមេត្តា។ ឧបទ្ទវហេតុគ្រោះថ្នាក់មួយបានបណ្តាលឲ្យលោកបាត់បង់ការចងចាំ ហើយក៏ប្រែ ក្លាយជាមនុស្សចិត្តល្អ មានធម៌មេត្តា និងគួរឲ្យស្រឡាញ់។ អវត្តមានរបស់លោក ដេវីដ បានធ្វើឲ្យ គ្រួសារចលាចល ព្រមទាំងរង្គោះរង្គើរដល់មុខជំនួញដ៏ធំរបស់លោកផងដែរ។ ជីវិតសេដ្ឋីមហាសាល ក្រឡាប់ចាក់ហើយនឹងមានរឿងរ៉ាវស្មានមិនដល់ជាវច្រើនដែលនឹងត្រូវកើតឡើង។

គួរបញ្ជាក់ផងដែរថា រឿង រាជបុត្រកង្កែប គឺជារឿងដែលបានទទួលសិទ្ធផលិតឡើងវិញពីរឿងភាគ តៃវ៉ាន់ The Prince Who Turns Into A Frog ដ៏ល្បីកក្រើកពេញអាស៊ីកាលពីកំឡុងឆ្នាំ 2005 ។

រង់ចាំទស្សនាទាំងអស់គ្នារឿង រាជបុត្រកង្កែប នឹមានចាក់ផ្សាយជូនទស្សនាក្នុងពេលឆាប់ៗនេះហើយ បន្ទាប់ពីរឿង រាជិនីភូមិគ្រឹះ នៅលើកញ្ចក់ទូរទស្សន៍ហង្សមាស HDTV ៕