នៅពេលដែលអ្នកប្រើខ្សែដើម្បីភ្ជាប់ iPhone ទៅនឹងកុំព្យូទ័រជាលើកដំបូង នោះអ្នកនឹងឃើញផ្ទាំងមួយលោតចេញមកជាមួយនឹងពាក្យថា “Trust This Computer?” ហើយតម្រូវឲ្យអ្នកជ្រើសរើស “Trust” រឺ “Don’t Trust”។ ជាការពិតណាស់ សកម្មភាពនេះមើលទៅហាក់ដូចជាងាយៗ និងគ្មានប្រយោជន៍ ប៉ុន្ដែយោងតាមការសិក្សាស្រាវជ្រាវថ្មីបានបញ្ជាក់ថា ការចុចលើពាក្យ “Trust” ញយពេកអាចនឹងបង្កបញ្ហាដល់ការការពារសុវត្ថិភាពរបស់ iPhone។

អ្នកសិក្សាស្រាវជ្រាវផ្នែកសុវត្ថិភាពរបស់ Symantec បានរកឃើញថា ការវាយប្រហារថ្មីនៅលើប្រព័ន្ធដំណើរការ iOS គឺផ្ដោតសំខាន់ទៅលើការកំណត់ “Trust” នោះតែម្ដង ពោលគឺរាល់ពេលដែលអ្នកចុចលើពាក្យនេះ បានន័យថាអ្នកអនុញ្ញាតឲ្យកុំព្យូទ័រមួយនោះអាចគ្រប់គ្រងលើ iPhone បាន។ ក្នុងពេលបច្ចុប្បន្ននេះ Hacker បាននឹងកំពុងប្រើប្រាស់វិធីសាស្ត្រម៉្យាងដែលអ្នកស្រាវជ្រាវឲ្យឈ្មោះថា “trustjacking” ដែលមានសមត្ថភាពអាចជ្រៀតចូលក្នុង iPhone អ្នកតាមរយៈមុខងារ “Trust” នេះ ហើយអាចនឹងលួចរាល់ទិន្នន័យរបស់អ្នកបាន។

គួរបញ្ជាក់ផងដែរថា ប្រសិនបើផ្ទាំង “Trust This Computer?” នេះពុំមានបង្ហាញលើកុំព្យូទ័រអ្នករាល់ពេលភ្ជាប់ iPhone ទេ នោះអ្នកអាចកំណត់មីនុយនេះសារជាថ្មីបាន។ ចូលទៅកាន់ Settings > General > Reset រួចចុចលើ Reset Location & Privacy។ បន្ទាប់ពីធ្វើបែបនេះរួចហើយ អ្នកត្រូវសម្រេចចិត្តឲ្យច្បាស់ថា តើកុំព្យូទ័រណាដែលអ្នកគួរ Trust។

Fu

ប្រភព៖ idropnews