អាប់ដេត ពីស្ថានភាពសុខភាពបុរសខ្មែរ វ័យ៣៨ឆ្នាំ មានផ្ទុកវីរុស COVID-19
ស្ថានភាពសុខភាពរបស់បុរសវ័យ ៣៨ឆ្នាំ នៅខេត្តសៀមរាប ដែលមានផ្ទុកវីរុស COVID-19 នោះ មានសុខភាពធម្មតា ពុំមានទាន់ចេញរោគសញ្ញាអ្វីគួរឲ្យព្រួយបារម្ភនោះទេ នេះបើតាមការបញ្ជាក់របស់លោកជំទាវ ឱ វណ្ណឌីន អ្នកនាំពាក្យក្រសួងសុខាភិបាល ប្រាប់ BTV នៅព្រឹកនេះ។
លោកជំទាវក៏បានបញ្ជាក់ថា ទោះបីជាស្ថានភាពសុខភាពរបស់បុរស វ័យ៣៨ឆ្នាំខាងលើ មិនសញ្ញាវិវត្តគួរឲ្យព្រួយបារម្ភក៏ដោយ ក៏ក្រសួងនៅតែបន្តតាមដានយ៉ាងយកចិត្តទុកដាក់បំផុត ដោយអនុវត្តតាម៥ ចំណុចខាងក្រោម៖
១. បន្តតាមដានការវិវត្តន៍នៃសុខភាព
២. ណែនាំឲ្យបុរសនោះគ្រប់គ្រងអារម្មណ៍ឲ្យបានល្អ មិនឲ្យមានការភ័យខ្លាច
៣. ខិតខំបំប៉នចំណីអាហារ
៤. រក្សាអនាម័យ
៥. ហាត់ប្រាណ។
ចំណែកសំណាកភរិយា និងប្អូនថ្លៃរបស់បុរសរូបនេះទាំង៣នាក់ ដែលបានយកទៅធ្វើតេស្តនៅវិទ្យាស្ថានប៉ាស្ទ័រកម្ពុជា លោកជំទាវរដ្ឋលេខាធិការ ក្រសួងសុខាភិបាល បញ្ជាក់ថា លទ្ធផលអវិជ្ជមាន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្តល់សិទ្ធិដោយ៖ Helloគ្រូពេទ្យ