ដំណឹងល្អ! ពលរដ្ឋខ្មែរនៅកូរ៉េទាំង៣នាក់ មានទាំងទារកផងនោះ ជាសះស្បើយពីកូវីដ១៩ហើយ
- April 18, 2020
ពលរដ្ឋខ្មែរនៅប្រទេសកូរ៉េទាំង៣នាក់ ដែលបានឆ្លងជំងឺ COVID-19 ពេលនេះបានជាសះស្បើយ និងអនុញ្ញាតឲ្យចេញពីមន្ទីរពេទ្យហើយ។
ឯកឧត្តម ឡុង ឌីម៉ង់ ឯកអគ្គរាជទូតកម្ពុជា ប្រចាំសាធារណរដ្ឋកូរ៉េ បានឲ្យដឹងថា ពលរដ្ឋខ្មែរទាំង៣នាក់បានរៀបចំបែបបទដើម្បីចេញពីពេទ្យនៅព្រឹកថ្ងៃទី១៧ ខែមេសា បន្ទាប់ពីតេស្តឃើញអវិជ្ជមាន COVID-19 ចំនួន២លើកជាប់គ្នា។ បន្ទាប់ពីចេញពីមន្ទីរពេទ្យ គ្រូពេទ្យកូរ៉េបានផ្តាំថា ពេលត្រលប់មកផ្ទះវិញក្នុងមួយសប្ដាហ៍ បើមានអាការ:ចេញរោគសញ្ញាជំងឺនេះឡើងវិញត្រូវផ្ដល់ដំណឹងទៅពេទ្យដើម្បីពិនិត្យបន្តទៀត។
ពលរដ្ឋខ្មែរទាំង៣នាក់ ដែលបានជាសះស្បើយពី COVID-19 នោះរួមមាន ស្ត្រីអាយុ២៣ឆ្នាំ បានរៀបការជាមួយប្តីជនជាតិកូរ៉េ រួមទាំងកូនប្រុសអាយុ៣ខែ និងម្តាយអាយុ ៤៦ឆ្នាំ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្តល់សិទ្ធិដោយ៖ Helloគ្រូពេទ្យ
- Share This Post: