ក្រសួងទាត់ចោល ការប្រកាសថា មានការឆ្លងកូវីដ-១៩ក្នុងសហគមន៍
- April 20, 2020
កាលពីពេលថ្មីៗកន្លងទៅ នាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាល ប្រកាសថា កម្ពុជារកឃើញភស្តុតាង ការឆ្លងរាលដាល COVID-19 ក្នុងសហគមន៍ តែក្នុងទ្រង់ទ្រាយតូច។ តែនៅថ្ងៃនេះ ថ្លែងក្នុងសន្នីសីទសារព័ត៌មាន អំពីស្ថានភាព COVID-19 នៅកម្ពុជា ប្រធាននាយកដ្ឋានប្រយុទ្ធនឹងជំងឺឆ្លង វេជ្ជបណ្ឌិត លី សូវ៉ាន់ បានទាត់ចោលភស្តុតាងទាំងនោះហើយ។
ចំពោះមូលហេតុក្រសួងទាត់ចោល ការឆ្លងរាលដាល COVID-19 នោះ ដោយសារតែរកឃើញពន្លឺខ្លះៗ លើជនជាតិចិន វៀតណាម និងកាដាណា ដែលបានឆ្លង COVID-19 កន្លងមក ហើយក្រសួងយកវត្ថុវិភាគអ្នកដែលពាក់ព័ន្ធដែលស្នាក់នៅជាមួយជនបរទេសក្នុងខុនដូ ស្ថិតក្នុងសង្កាត់បឹងកេងកង១ ទៅធ្វើតេស្តរកវីរុស COVID-19 តែអវិជ្ជមានទាំងអស់។
ទោះបីអះអាងថា គ្មានការឆ្លង COVID-19 ក្នុងសហគមន៍ក្តី តែប្រធាននាយកដ្ឋានប្រយុទ្ធនឹងជំងឺឆ្លងស្នើឲ្យពលរដ្ឋបន្តប្រុងប្រយ័ត្នខ្ពស់ជានិច្ច។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្តល់សិទ្ធិដោយ៖ Helloគ្រូពេទ្យ
- Share This Post: