ចេញរោគសញ្ញាទាំងនេះ បង្ហាញថាតម្រងនោមមានបញ្ហាហើយ
- May 8, 2020
តម្រងនោមយើងខូច ឬដំណើរការច្រោះជាតិពុលមិនល្អ អាចបណ្តាលមកពីកត្តាជាច្រើន។ តម្រងនោមរបស់យើងចុះខ្សោយនៅពេលបាត់បង់សមត្ថភាពច្រោះជាតិពុលចេញពីឈាមហើយយើងអាចសង្កេតដឹងថា តម្រងនោមមានបញ្ហាពេលដែលវាចេញរោគសញ្ញាមួយចំនួនខាងក្រោម។
លោកវេជ្ជបណ្ឌិត ចាន់ ស៊ីណេត ឯកទេសផ្នែកជំងឺទូទៅ បានឲ្យដឹងថា ជាធម្មតា អ្នកដែលមានជំងឺខ្សោយតម្រងនោម អាចចេញរោគសញ្ញាតិចតួច ហើយជួនកាល វាអាចគ្មានរោគសញ្ញាចេញឲ្យដឹងមុនទេ។ នៅពេលដែលតម្រងនោមមានបញ្ហា រោគសញ្ញាទូទៅដែលចេញឲ្យដឹងមានដូចជា៖
– ទឹកនោមថយចុះ
– ចាល់ជាតិទឹកក្នុងខ្លួន
– ហើមអវៈយវៈ
– ហត់ អស់កម្លាំង ខ្សោយ
– វង្វេងវង្វាន់
– ក្អួតចង្អោរ
– ចង្វាក់បេះដូងដើរមិនទៀងទាត់
– អាចកើនឡើងសម្ពាធឈាម ឬចុះ។
លោកវេជ្ជបណ្ឌិត បានបន្តឲ្យដឹងថា ក្នុងករណីធ្ងន់ធ្ងរ អាចបណ្តាលឲ្យសន្លប់ ឬគ្រោះថ្នាក់ដល់ស្លាប់ ដោយសារមានជាតិពុលក្នុងខ្លួនច្រើន។ ដូចនេះ បើសង្ស័យថា កើតមានរោគសញ្ញាដែលបានរៀបរាប់ខាងលើនេះ ត្រូវទៅពិនិត្យ ពិគ្រោះ ធ្វើរោគវិនិច្ឆ័យឲ្យបានត្រឹមត្រូវជាមួយគ្រូពេទ្យជំនាញ ដើម្បីរកវិធីព្យាបាលឲ្យបានទាន់ពេលវេលាដើម្បីកុំឲ្យតម្រងនោមខូច។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបលផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្តល់សិទ្ធិដោយ៖ Helloគ្រូពេទ្យ
- Share This Post: