រោគសញ្ញាទាំង ៧ដែលនឹងកើតឡើង នៅពេលរាងកាយរបស់អ្នកពោរពេញទៅដោយពពួកសត្វប៉ារ៉ាស៊ីត

អ្នកទាំងអស់គ្នាប្រាកដជាគិតថាពពួកសត្វល្អិតនៅក្នុងរាងកាយគឺជារឿងធម្មតាមិនមានអ្វីត្រូវខ្វល់ ប៉ុន្ដែអ្នកយល់ខុសហើយសត្វល្អិតប៉ារ៉ាស៊ីតអ្នកមិនអាចមើលឃើញដោយភ្នែកទទេបានទេហេតុនេះអ្នកមិនដឹងឡើយថាសត្វទាំងនេះវាមានគ្រោះថ្នាក់កម្រិតណាខ្លះនោះ។ សត្វល្អិតនៅក្នុងខ្លួនគឺមានគ្រោះថ្នាក់ជាខ្លាំងដល់រាងកាយម៉្យាងទៀតរោគសញ្ញានៃជំងឺប៉ារ៉ាស៊ីតនៅដំណាក់កាលដំបូងយើងមិនអាចដឹងប្រសិទ្ធភាពភ្លាមៗបានទេ ព្រោះជំងឺនេះមានសភាពជំងឺដូចទៅនឹងជំងឺដទៃទៀតដែរ ហើយវាបំផ្លាញរាងកាយយើងបន្តិចម្តងៗ និងបូមឈាមពីពោះវៀននៅក្នុងរាងកាយរបស់យើង។

• រោគសញ្ញាដែលគួរឲ្យកត់សម្គាល់៖

១. ឈឺពោះជាប្រចាំ និងរាគដោយមិនដឹងមូលហេតុ

២. ចេះតែអស់កម្លាំង និងងងុយដេករហូត

៣. ពិបាករំលាយអាហារ, ចង្អោរ, អាការៈហើមពោះ

៤. ញ៉ាំច្រើនប៉ុន្ដែបែរជាមិនមានកម្លាំងនៅក្នុងខ្លួន ព្រោះថាសត្វប៉ារ៉ាស៊ីតស៊ីអស់(អាស្រ័យទៅលើប្រព័ន្ធរំលាយ)

៥. រាងកាយចាប់ផ្ដើមទន់ខ្សោយ

៦. គ្មានអារម្មណ៍ ក៏ដូចជាកម្លាំងចង់ធ្វើអ្វី

៧. មានការរមាស់នៅរន្ធគូទ ដោយសារតែសត្វប៉ារ៉ាស៊ីត

• វិធីដើម្បីបង្ការមិនឲ្យកើតជំងឺមានសត្វល្អិតនេះ

១.​ អ្នកត្រូវបន្ទោរបង់នៅក្នុងបន្ទប់ទឹកជានិច្ច

២. បរិភោគអាហារណាដែលឆ្អិន និងថ្មីស្រស់ ជៀសវាងអាហារឆៅនិងសាច់ដែលមិនឆ្អិនល្អ

៣. បរិភោគតែទឹកស្អាត (ទឹកដាំពុះ)

៤. អ្នកត្រូវតែពាក់ស្បែកជើងឲ្យបានជាប់ កុំដើរដោយជើងទទេ

៥. លាងដៃឲ្យបានស្អាតមុនពេលបរិភោគចំណីអាហារ

៦. លាងសំអាតបន្លែឲ្យបានស្អាត មុននឹងយកទៅចម្អិន

៧. នៅពេលដែលអ្នកសង្ស័យថាកើតមានសត្វប៉ារ៉ាស៊ីតនៅក្នុងខ្លួន អ្នកគួរតែទៅពិគ្រោះជាមួយនឹងវិជ្ជៈបណ្ឌិត ជៀសវាងទិញថ្នាំដោយចិត្តឯងព្រោះថាសត្វល្អិតនីមួយៗមានរោគសញ្ញាផ្សេងៗពីគ្នា៕

អត្ថបទ៖ Sai

ប្រភព៖mthai