ចិនមានការភ្ញាក់ផ្អើលយ៉ាងខ្លាំងជាមួយចំនួនតួលេខអ្នកស្ម័គ្រចិត្តបរិច្ចាគសរីរាង្គខ្លួនឯង ដែលមានរហូតដល់ទៅជាង៣០០,០០០នាក់

ប្រទេសចិន ៖ យោងតាមលោក Zhao Hongtao មន្ត្រីម្នាក់ដែលមានមូលដ្ឋាននៅប្រទេសចិនបានអោយដឹងថា ចំនួនអ្នកបរិច្ចាគសរីរាង្គប្រហែលកើនឡើងរហូតដល់ ២៦២,៥០០នាក់​ដែល បានមកចុះបញ្ជីកាលពីដំណាច់ឆ្នាំ ២០១៧នេះ។ តួលេខថ្មីនេះវាធ្វើអោយមានការភ្ញាក់ផ្អើលយ៉ាងខ្លាំងព្រោះចំនួនអ្នកស្ម័គ្រចិត្តបរិច្ចាគសរីរាង្គរបស់ ខ្លួនបានកើនឡើងជាង១០ដង នេះបើធៀបនឹងឆ្នាំ២០១៥ដែលមានចំនួនត្រឹមតែ២៥,៩៥៩នាក់។

កាលពីដើមឆ្នាំ២០១៥នេះចិនបានប្រកាសអោយឈប់យកសរីរាង្គរបស់អ្នកទោសប្រហាជីវិតមកប្រើប្រាស់ គឺមាន​តែការ​ស្ម័គ្រចិត្ត​បរិច្ចាកប៉ុណ្ណោះដែលអាចប្រើប្រាស់បាន។ រហូតមក​ដល់​ជិតពាក់កណ្តាលឆ្នាំ២០១៨នេះ ការបរិច្ចាកបានកើតឡើងរហូតដល់៣០០,០០០នាក់ អ្នកដែលចង់​បរិច្ចាក​កាន់​តែមាន​ភាព​ងាយ​ស្រួល​ព្រោះអាច​ចុះឈ្មោះតាមអនឡាញបាន។ ទោះបីជា​យ៉ាង​ណាក៏ដោយមានអ្នកជម្ងឺចិនប្រហែល ៣០០,០០០ នាក់កំពុងរង់​ចាំ​​ការប្តូរសរីរាង្គ តែមានមនុស្សតែ ១៦,០០០ នាក់ប៉ុណ្ណោះ​ដែល​ទទួលការវះកាត់ប្តូសរីរាង្គនេះជារៀងរាល់ឆ្នាំ៕

អត្ថបទ ៖ Mali
ប្រភព៖ chinaplus