លេងសើចម៉េចបាន! ពាណិជ្ជកម្មរបស់ក្រុមហ៊ុន Apple ដែលអួតពី iPhone 7 Plus មួយនេះឈ្នះៈពានរង្វាន់ទៀត (មានវីដេអូ)

ពាណិជ្ជកម្មផ្សព្វផ្សាយលើទូរទស្សន៍ដែលមានបង្ហាញពីបច្ចេកវិទ្យាកាមេរ៉ាភ្លោះរបស់ក្រុមហ៊ុន Apple នៅលើ iPhone 7 plus ត្រូវបានគណៈកម្មការ Art Directors Club (ADC) ចាត់ទុកថាជាពាណិជ្ជកម្មដ៏មានកិត្យានុភាពបំផុត ក្នុងកម្មវិធីពិធីប្រគល់រង្វាន់មួយដែលធ្វើឡើងកាលពីដើមសប្ដាហ៍នេះ។

ពាណិជ្ជកម្មនោះត្រូវបានក្រុមហ៊ុន Apple ដាក់ចំណងជើងឲ្យថា ‘Barbers’ ហើយក៏ជាវីដេអូពាណិជ្ជកម្មដំបូងបង្អស់របស់ក្រុមហ៊ុន ដែលមានបង្ហាញពីបច្ចេកវិទ្យាកាមេរ៉ាភ្លោះ។ អ្វីដែលគួរឲ្យចាប់អារម្មណ៍បំផុត គឺមុខងារ Portrait Mode តែម្ដងដែលត្រូវបានគេស្គាល់ថា ជាមុខងារកំពូលរបស់ iPhone កំពូលឆ្នាំ2016 និងធ្វើឲ្យមនុស្សជាច្រើនស្រលាញ់ចូលចិត្តជាខ្លាំង។

ស្របពេលជាមួយនឹងបច្ចេកវិទ្យាកាមេរ៉ាភ្លោះ ក៏ដូចជាមុខងារ Portrait Mode នេះត្រូវបានអភិវឌ្ឍន៍ជាលំដាប់ និងមានបំពាក់លើជំនាន់ក្រោយៗទៀតដូចជា iPhone 8 Plus និង iPhone X ជាដើម ក្រុមហ៊ុន Apple ក៏នៅតែបន្ដការអភិវឌ្ឍ ហើយធ្វើឲ្យបច្ចេកវិទ្យាកាមេរ៉ាខ្លួននេះមិនចាញ់ប្រភេទកាមេរ៉ា DSLR ឡើយ។

កុំឲ្យខាតពេលយូរ សូមទស្សនាវីដេអូខាងក្រោម៖

Fu

ប្រភព៖ idropnews