អាសូរណាស់! អេ ភូថង គ្មានប្រាក់ធ្វើបុណ្យ៧ថ្ងៃអោយម្តាយ ខណៈដែលជំពាក់គេជិត៣ពាន់ដុល្លារ ដោយការចំណាយលើពិធីបុណ្យសព

កីឡាករប្រដាល់ល្បីឈ្មោះ និងបច្ចុប្បន្នជាគ្រូបង្វឹកកីឡាប្រដាល់ លោក អេ ភូថង មានទុក្ខជាទម្ងន់ដោយសារតែម្តាយរបស់លោកបានទទួលមរណៈភាពកាលពីម្សិលមិញនេះ ដោយសារតែជំងឺមហារីក។ អ្វីដែលគេសង្វែកគ្រប់គ្នានោះគឺលោក អេ ភូថង គ្មានប្រាក់ដើម្បីធ្វើបុណ្យ៧ថ្ងៃជូនម្តាយរបស់លោកទេ ខណៈដែលជំពាក់លុយគេជិត៣ពាន់ដុល្លារ ដោយសារការចំណាយធ្វើពិធីបុណ្យសពម្តាយ នេះបើតាមការបញ្ជាក់របស់លោក អ៉ឹម ជីវ៉ា នៅលើ Facebook។

ក្នុងនោះដែរលោក អ៉ឹម ជីវ៉ា ក៏បាននាំយកថវិការ ១លានរៀល របស់ លោកស្រី នឹម វណ្ណៈ កូនបង្កើត លោកជំទាវ ហ៊ុន សុីណាត និងជាទីប្រឹក្សានៃក្រុមមេធាវី HNS អេជ អេន អេស និង លោកវេជ្ជបណ្ឌិត ម៉ម សុខវិសាល ចូលរួមពិធីបុណ្យសពម្តាយ របស់លោក អូ ភូថង ផងដែរ៕