សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឧបត្ថម្ភថវិកា ១០លានរៀល ដល់តារាសម្តែងជើងចាស់ អ៊ុំ សក្កណា ហៅ ម៉ែនឿន

បើតាមការរៀបរាប់របស់លោក អ៉ឹម ជីវ៉ា នៅលើបណ្តាញសង្គមនៅមុននេះបន្តិចបានអោយដឹងថា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានឧបត្ថម្ភថវិកា ១០លានរៀល និងគ្រឿងឧបភោគ បរិភោគជាច្រើនទៀត ដល់តារាសម្តែងជើងចាស់ក្រីក្រ គឺអ្នកស្រី អ៊ុំ សក្កណា ហៅ ម៉ែនឿន។

ក្នុងនោះដែរលោក ជំទាវ ម៉ែន នារីសុភ័ក្រ បានពាំនាំប្រសាសន៍ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចូលរួមសោក ស្តាយ និងរំលែកទុក្ខយ៉ាងក្រៀមក្រំបំផុតជាមួយក្រុមគ្រួសារ នៃសព ហើយចំពោះមរណភាពរបស់ម្តាយអ្នកស្រី សក្កណា គឺជាការបាត់បង់មាតា ជីដូន ជាទីស្រឡាញ់ ប្រកបដោយព្រហ្មវិហាធម៌៕