ម៉ាឡេស៊ីរក្សាតម្លៃសាំងមិនឲ្យឡើងសូម្បីមួយសេនរយៈពេល៧សប្តាហ៍ជាប់គ្នាហើយ និងគ្រោងបន្តរក្សាតម្លៃដដែលនៅពេលខាងមុខ

ម៉ាឡេស៊ី៖ ខណៈតម្លៃប្រេងសាំងនៅតាមបណ្តាលប្រទេសអាស៊ានមួយចំនួនហាក់ឡើងខ្ពស់បន្តិច រីឯតម្លៃប្រេងសាំងនៅក្នុងទូទាំងប្រទេសម៉ាឡេស៊ីពុំមានការប្រែប្រួលនោះទេពោលគឺនៅរក្សាតម្លៃដដែលអស់រយៈពេល៧សប្តាហ៍ជាប់គ្នាមកហើយ នេះបើយោងតាមការចុះផ្សាយរបស់សារព័ត៌មានម៉ាឡេស៊ី។

ដោយក្នុងនោះតម្លៃសាំងប្រភេទ RON 95  មានតម្លៃ RM2.20 (ប្រហែល 0.56​ ដុល្លារអាមេរិក) ក្នុងមួយលីត្រ និងសាំងប្រភេទ RON 97  មានតម្លៃ RM2.47 (ប្រហែល 0.63 ដុល្លារអាមេរិក) ក្នុងមួយលីត្រ ចំណែកឯប្រេងម៉ាស៊ូតប្រភេទ Euro 2M មានតម្លៃ RM2.18 (ប្រហែល 0.55 ដុល្លារអាមេរិក) ក្នុងមួយលីត្រ និង Euro 5 មានតម្លៃ RM2.28 (ប្រហែល 0.57 ដុល្លារអាមេរិក) ក្នុងមួយលីត្រ ដែលតម្លៃទាំងនេះគិតចាប់ពីថ្ងៃទី១០ ដល់ថ្ងៃទី១៦ ខែឧសភា។ ​ហើយបើតាមការអះអាងរបស់អាជ្ញាធរម៉ាឡេស៊ីបានបន្ថែមថា តម្លៃនេះគ្រោងនឹងនៅបន្តថេរដូចនេះក្នុងរយៈយូរទៅមុខទៀត៕

អត្ថបទ៖ ភក្តី

ប្រភព៖ paultan