សំណាងចេះមានមួកសុវត្ថិភាព! ធ្លាក់ដែកប្រវែងជិត២ម៉ែត្រពីលើអគារខ្ពស់ក្បែរពេទ្យរុស្ស៊ី ចំអ៊ុំប្រុសម្នាក់កំពុងជិះម៉ូតូ បណ្តាលឲ្យបែកមួកសុវត្ថិភាព ហើយដួលលើថ្នល់របួសបែកមុខ

រាជធានីភ្នំពេញ៖ សេចក្ដីរាយការណ៍បឋមបានអោយដឹងថា មានករណីធ្លាក់ដែកប្រហែលជិត ២ម៉ែត្រ ពីលើអគារខ្ពស់មួយចុះមកក្រោមចំក្បាលលោកពូអនុប្រធានភូមិម្នាក់ កំពុងជិះម៉ូតូមួយគ្រឿង ដឹកពូកត្រលប់ទៅផ្ទះ បណ្តាលឲ្យបែកមួកការពារសុវត្ថិភាព ហើយដួលទៅលើថ្នល់រងរបួសបែកមុខហូរឈាម ត្រូវបានបញ្ជូនទៅកាន់មន្ទីរពេទ្យរុស្សីដើម្បីជួយសង្គ្រោះភ្លាមៗ នេះជាដំណឹងបឋមប៉ុណ្ណោះ។ ហេតុការណ៍នេះបានកើតឡើងនាវេលាម៉ោងជាង ៤ល្ងាច ថ្ងៃទី២០ ខែកក្កដា ឆ្នាំ២០២០នេះ ស្ថិតនៅតាមផ្លូវលេខ១៨៧ ក្រុម១៦ ភូមិ២ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ៕

ប្រភព & អត្ថបទ៖ បងម៉េង ខ្មែរណូត