លោកខាន់ ជេម ជាប់នៅកោះរ៉ុងបីថ្ងៃ ដោយសារមូលហេតុមួយនេះ

ព្រះសីហនុ៖ កាលពីថ្មីៗនេះ ដោយសារតែកម្ពុជាទទួលរងនៅឥទ្ធិពលស៊ិនឡាគូ មកពីសមុទ្រចិនខាងត្បូង ធ្វើឲ្យកម្ពុជានឹងមានភ្លៀងធ្លាក់ និងខ្យល់កន្ដ្រាក់ពីថ្ងៃនេះដល់ថ្ងៃទី០៥ ខែសីហា ធ្វើឲ្យតំបន់សមុទ្រជួបព្យុះភ្លៀងធ្លាក់រហូត លើសពីនេះទៅទៀតអ្នកដែលធ្វើដំណើរទៅកំសាន្តនៅកោះ បានជាប់ដំណើរដោយសារអាជ្ញាធរមិនទាន់អនុញ្ញាត ខ្លាចជួបគ្រោះថ្នាក់។ ចំណែកលោក ខាន់ ជេម បានបង្ហោះឲ្យដឹងថា ជាប់នៅកោះរ៉ុងបីថ្ងៃហើយខ្ញុំ។

គួរបញ្ជាក់ថាឯកឧត្តមកាលពីពេលថ្មីៗនេះ គួច ចំរើន បានទទួលសារពីប្រជាពលរដ្ឋជាភ្ញៀវទេសចរ ស្នើសុំចេញពីកោះរ៉ុង មកក្រុងព្រះសីហនុ ករណីនេះ ឯកឧត្តមអភិបាលខេត្ត មិនអាចអនុញ្ញាតបានឡើយ និងសុំឱ្យមានការយោគយល់ពីបងប្អូន ដោយសារស្ថានភាពដំណើរលើផ្ទៃសមុទ្រ ខ្យល់ខ្លាំង រលកខ្ពស់ៗ មិនអំណោយផល ហើយអ្វីដែលសំខាន់ និងជាការបារម្ភបំផុតនោះគឺសុខសុវត្ថិភាព របស់បងប្អូនផ្ទាល់៕