ឪពុកល្មោភកាមចាប់រំលោភកូនស្រីអាយុទើប១០ឆ្នាំបានសម្រេច៤ដង ត្រូវសមត្ថកិច្ចចាប់ខ្លួនហើយនៅមិនសារភាពថាបានរំលោភទៀត
ខេត្ដកណ្ដាល៖ថ្ងៃច័ន្ទ ១៤កើត ខែស្រាពណ៍ ឆ្នាំជូត ទោស័កព.ស.២៥៦៤ ត្រូវនឹងថ្ងៃទី០៣ ខែសីហា ឆ្នាំ២០២០វេលាម៉ោង១៦និង០០នាទី មានករណីរំលោភសេពសន្ថវៈនៅភូមិពពាលខែ ឃុំដីឥដ្ឋ ស្រុកកៀនស្វាយ ខេត្តកណ្តាល។
ជនរងគ្រោះឈ្មោះ កខ ភេទស្រី អាយុ១០ឆ្នាំ ជនជាតិខ្មែរ មុខរបរសិស្ស។ ចំណែកជនសង្ស័យឈ្មោះ ញ៉ែម ច័ន្ទដារ៉ា ភេទប្រុស អាយុ៣៥ឆ្នាំ ជនជាតិខ្មែរ មានទីលំនៅភូមិឃុំកើតហេតុ មុខរបរលក់ដូរ ត្រូវបានឃាត់ខ្លួន។
តាមការបំភ្លឺពីជនរងគ្រោះឈ្មោះ កខ ថា ជនសង្ស័យបានធ្វើសកម្មភាពរំលោភសេពសន្ថវៈលើខ្លួនចំនួន០៤លើកមកហេីយ។ រហូតដល់ថ្ងៃទី០៣ ខែសីហា ឆ្នាំ២០២០វេលាម៉ោង១៦និង០០នាទី ទើបម្តាយជនរងគ្រោះ អាយុ៣៧ឆ្នាំបាននាំជនរងគ្រោះមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលដីឥដ្ឋ ក្រោយពីទទួលបានពាក្យបណ្តឹងរួចមកកម្លាំងប៉ុស្តិ៍សហការណ៍ជាមួយកម្លាំងជំនាញបានចុះដល់ផ្ទះជនសង្ស័យ ហើយនាំខ្លួនជនសង្ស័យមកសាកសួរនៅប៉ុស្តិ៍។
ក្រោយពីសាកសួររួច នៅចំពោះមុខសមត្ថកិច្ច ជនសង្ស័យមិនបានសារភាពថា៖ ខ្លួនបានធ្វើសកម្មភាពរំលោភសន្ថវៈលើជនរងគ្រោះឡើយ។ បច្ចុប្បន្នជនសង្ស័យត្រូវបានបញ្ចូនទៅកាន់អធិការដ្ឋាននគរបាលស្រុកកៀនស្វាយដើម្បីបន្តនីតិវិធី៕
ប្រភព៖ នាយកដ្ឋានផ្សព្វផ្សាយអប់រំ