ប្រហោងពោះគ្រប់គ្នា! ស្ត្រីម្នាក់សង្ស័យបែកថ្នាំ ដើររករឿងអ្នកដំណើរ ហើយរត់ចូលឡាន ធ្វើឲ្យអ្នកដំណើរគេចវង្វេង
រាជធានីភ្នំពេញ ៖ ស្ត្រីសាច់ត្រលុកត្រលន់ម្នាក់ មិនដឹងដើរមកពីណា សង្ស័យថាបែកថ្នាំ បានដើរអុកឡុកប្រជាពលរដ្ឋតាមដងផ្លូវ ហើយរត់ចូលយានយន្តដែលកំពុងធ្វើដំណើរតាមផ្លូវ នាំគ្នាគេចឡើងវង្វេងទៅហើយ បង្កឲ្យមានការភ្ញាក់ផ្អើលកាលពីវេលាម៉ោង០៤:១០នាទីទៀបភ្លឺ ឈានចូលថ្ងៃទី១៥ ខែសីហា ឆ្នាំ២០២០ ស្ថិតនៅចំណុចស្តបបឹងទំពុន ផ្លូវបំបែក២៧១ កែងផ្លូវ៣៧១ ដែលជាចំណុចព្រំប្រទល់សង្កាត់ចំនួន៣ ទី១.សង្កាត់ចាក់អង្រែលើ ទី២.សង្កាត់បឹងទំពន់ទី២ ក្នុងខណ្ឌមានជ័យ និងទី៣.សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
យោងតាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញស្ត្រីសាច់ត្រលុកត្រលន់ម្នាក់ខាងលើ មិនត្រូវបានស្គាល់ពីអត្តសញ្ញាណទេ ទំនងជាបែកថ្នាំ បានដើររករឿងអ្នកដំណើរ និងអុកឡុករាំងផ្លូវរថយន្តមិនឲ្យឆ្លងកាត់ ហើយពេលខ្លះរត់ទៅមុខរថយន្តធំៗដែលកំពុងបើកលឿនថែមទៀតផង ហើយរត់ចូលទៅប្រតាមប្រតប់ជាមួយស្ត្រីម៉ាស្សាក្នុងផ្ទះម៉ាស្សាកោជប់នៅចំណុចមុខមង្គលឧត្តម ផ្លូវ៣៧១ ផ្អើលមួយប្រាវផងដែរ ហើយរត់ចេញមកវិញដើរកណ្ដាលផ្លូវ រួចយកសម្ភារ:និងប៉ាវដាក់សំរាមឡើងមកដាក់អែបចិញ្ចើមផ្លូវ រួចរត់ឆ្លងផ្លូវចុះឡើងចុះឡើង ស្រែកជេគេឯង រួចរត់ទៅមុខផ្ទះគេមួយកន្លែង នៅជិតស្តុបបឹងទំពន់ ក្នុងសង្កាត់ផ្សារដើមថ្កូវ ដោះខោអាវបើកទឹកងូតធ្វើព្រងើយ ហេីយឆ្លងផ្លូវរត់មកយកអំបោស បោសសម្អាតផ្លូវ ហើយសម្រួលចរាចរណ៍ អោយតែគេមើលមុខស្រែកជេគេ ឬយកអំបោសវាយក្បាលអ្នកដំណើរតាមផ្លូវក៏មានដែរ ៕
ដោយ៖ បងម៉េង ខ្មែរណូត