BREAKING: អគ្គិភ័យកំពុងឆាបឆេះភោជនីយដ្ឋាន​ អុិនប្រាំបី (N8)​ ជាលើកទីពីរ ក្រោយទើបនឹងឆេះកាលពី ៣ ថ្ងៃមុន

រាជធានីភ្នំពេញ៖ នៅវេលាម៉ោង ១០ៈ ២៥នាទី ថ្ងៃទី២៦ ខែកញ្ញា ឆ្នាំ២០២០​ មានករណីអគ្គិភ័យកំពុងតែឆេះភោជនីយដ្ឋាន​ អុិនប្រាំបី (N8)​ ដែលជាអតីតក្លឹប​ មានទីតាំងស្ថិតនៅ​សង្កាត់​ទួលស្វាយព្រៃទី២ ខណ្ឌ​បឹងកេងកង​ រាជធានីភ្នំពេញ។ បើតាមប្រភពពី នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះ នៃអគ្គស្នងការដ្ឋាននគរបាលជាតិ បានឲ្យដឹងថា អគ្គិភ័យដែលកំពុងឆាបឆេះភោជនីយដ្ឋាននេះ គឺជាលើក​ទី២ ហើយ ។

​សូមបញ្ជាក់ផងដែរថា កាលពីថ្ងៃទី២៣ ខែកញ្ញា កន្លងទៅនេះ អតីតក្លឹបនេះបានឆេះម្តងរួចមកហើយ ហើយមកទល់ថ្ងៃទី២៦ ខែកញ្ញានេះ ពោលគឺរំលងពេលបានតែ ៣ថ្ងៃ ក៏មានករណីឆេះម្ដង​ទៀត។ យ៉ាងណាមិញខណៈពេលនេះរថយន្តពន្លត់អគ្គិភ័យមកពីគ្រប់អង្គភាព បានចេញអន្តរាគមន៏ជួយពន្លត់យ៉ាងសកម្មផងដែរ៕

ប្រភព៖ នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះ នៃអគ្គស្នងការដ្ឋាននគរបាលជាតិ