សូមចូលរួមរំលែកទុក្ខ! តារាសម្តែងជើងចាស់ហុងកុង លោក Savio Tsang ទទួលមរណៈភាពក្នុងវ័យ ៥៨ឆ្នាំ ដោយសារជម្ងឺមហារីកសួត

យោងតាមការចុះផ្សាយរបស់សារព័ត៌មាន channelnewsasia បានឲ្យដឹងនៅថ្ងៃទី ១៥ ខែវិច្ឆិកា ឆ្នាំ២០២០នេះថា តារាសម្តែងជើងចាស់ហុងកុងម្នាក់របស់ TVB លោក Savio Tsang (曾伟权) បានទទួលមរណៈភាពនៅថ្ងៃទី១៣ ខែ វិច្ឆិកា ឆ្នាំ ២០២០ ដោយសារជម្ងឺមហារីកសួត នៅវ័យ ៥៨ឆ្នាំ ។ តារាវ័យ ៥៨ឆ្នាំរូបនេះបានកើតជំងឺមហារីកសួតតាំងពីដើមឆ្នាំនេះ ប៉ុន្តែគាត់គ្រាន់តែបានប្រាប់គេថា គាត់មានបញ្ហាសួតតែប៉ុណ្ណោះ រហូតដល់កាលពីថ្ងៃសុក្រ ទើបទទួលបានដំណឹងថាគាត់ស្ថិតក្នុងមន្ទីរពេទ្យ។ គួរបញ្ជាក់ថា លោក Savio Tsang (曾伟权) កើតនៅថ្ងៃទី ២២ វិច្ឆិកា ឆ្នាំ ១៩៦១ នៅហុងកុង៕