ទោះជាយ៉ាងណា នៅសល់ពេលយូរទៀតទើប Galaxy S10 និង S10 Plus ត្រូវបានណែនាំ ហើយយោងតាមអ្នកវិភាគ កំពូលស្មាតហ្វូនទាំងពីរនេះ អាចនឹងត្រូវបានចេញលក់នាកំឡុងត្រីមាសទី1 ឆ្នាំ2019។ យោងតាមគេហទំព័រ The Bell បានសរសេរលើកឡើងពីការផ្លាស់ប្ដូរមួយចំនួនដែលនឹងធ្វើឡើងលើត្រកូល S របស់ក្រុមហ៊ុន Samsung។

យោងតាមប្រភពដដែល ក្រុមហ៊ុន Samsung អាចនឹងលុបចោលបច្ចេកវិទ្យាស្កេនភ្នែក ដែលគ្រប់គ្នាជឿជាក់ថាធ្វើឡើងលើកំពូលស្មាតហ្វូន Galaxy Note 9។ មួយវិញទៀត យោងតាមក្រុមហ៊ុន Samsung បច្ចេកវិទ្យាស្នេនភ្នែក Iris Scanner នេះហាក់ដូចជាមិនសូវល្អឡើយសម្រាប់ការប្រើប្រាស់ដើម្បីដោះសោរស្មាតហ្វូន។ ផ្ទុយទៅវិញ បច្ចេកវិទ្យា Face ID របស់ក្រុមហ៊ុន Apple គឺធ្វើការបានល្អ និងលឿនជាង ហើយអ្នកប្រើប្រាស់ភាគច្រើនគឺចូលចិត្តបន្ទះស្កេនស្នាមក្រយ៉ៅដៃ ជាងអ្វីៗទាំងអស់។

ទាក់ទងទៅនឹងការលុបចោល Iris Scanner ក្រុមហ៊ុនបច្ចេកវិទ្យាខ្នាតយក្សរបស់ប្រទេសកូរ៉េនេះ នឹងជំនួសមកវិញដោយបច្ចេកវិទ្យា 3D Facial Recognition។ លើសពីនេះទៅទៀត យើងទទួលបានពត៌មានថា ក្រុមហ៊ុន Samsung កំពុងសហការជាមួយនឹងក្រុមហ៊ុនមួយរបស់ប្រទេសអ៊ីស្រាអែលឈ្មោះ Mantis Vision ដើម្បីអភិវឌ្ឍន៍លើបច្ចេកវិទ្យាដែលកំពុងស្ថិតក្រោមតម្រូវការ។

អ្វីដែលគួរឲ្យចាប់អារម្មណ៍បំផុតនោះគឺ កំពូលស្មាតហ្វូន Galaxy S10 និង S10 Plus នឹងមានភ្ជាប់មកជាមួយនឹងបច្ចេកវិទ្យាស្កេនស្នាមក្រយ៉ោដៃបង្កប់ក្នុងអេក្រង់ ដែលនេះគឺជាការការពារសុវត្ថិភាពខ្ពស់បំផុត។ ស្របពេលជាមួយគ្នានេះ យើងសង្កេតឃើញមានស្មាតហ្វូនមួយចំនួនមានភ្ជាប់មកជាមួយនឹងបច្ចេកវិទ្យានេះស្រាប់ហើយ ប៉ុន្ដែក្រុមហ៊ុន Samsung នៅតែបន្ដការព្យាយាមរបស់ខ្លួនដដែល។

Fu

ប្រភព៖ gsmarena