ព្រឹកនេះអាមេរិក រកឃើញអ្នកឆ្លងកូវីដ១៩ថ្មី ជាង១៨ម៉ឺននាក់ និងអ្នកជំងឺជាង ២ពាន់នាក់ស្លាប់

(អន្តរជាតិ)៖ យោងតាមតួលេខស្តីពីចំនួនអ្នកឆ្លង និងស្លាប់ដោយសារវីរុសកូវីដ១៩ ចេញពីគេទំព័រអន្តរជាតិ Worldometer បានបង្ហាញថា នាព្រឹកថ្ងៃទី៤ ខែធ្នូ ឆ្នាំ២០២០នេះ សហរដ្ឋអាម៉េរិក បានរកឃើញករណីឆ្លងថ្មីសរុប ១៨៦,៦១០នាក់ និងអ្នកជំងឺសរុប ២,៤៩២នាក់ បានស្លាប់។ សូមបញ្ជាក់ផងដែររហូតមកដល់ពេលនេះ សហរដ្ឋអាម៉េរិក ឈរនៅកំពូលតារាងនៃចំនួនអ្នកឆ្លងច្រើនជាងគេ ដែលគិតត្រឹមព្រឹកនេះផងដែរ អាម៉េរិកមានមនុស្សសរុប ១៤,៥០៣,២៣០បានឆ្លង, ជាង២៨ម៉ឺននាក់ស្លាប់។

គួរបញ្ជាក់ផងដែរថា គិតត្រឹមម៉ោង ៦ និង៣០នាទីព្រឹក ថ្ងៃទី៤ ខែធ្នូ ឆ្នាំ២០២០នេះ ចំនួនឆ្លងជំងឺ កូវីដ១៩ នៅទូទាំងពិភពលោក បានកើនឡើងដល់៦៥,៤៦៤,០៩៣ករណី ហើយក្នុងនោះមនុស្សសរុប ១,៥១០,៣៤០នាក់ស្លាប់ និងជាង ៤៥លាននាក់ បានជាសះស្បើយឡើងវិញ។ តាមតួរលេខចេញពី worldometer ខាងលើនោះ បានបញ្ជាក់ថា រហូតមកដល់ពេលនេះ កូវីដ១៩ បានឆ្លងរាតត្បាតចូលដល់ប្រទេស និងឧបទ្វីបចំនួន ២១៥ហើយ៕

ប្រភព៖ ក្រសួងព័ត៌មាន