ក្តៅៗ! ក្រសួងសុខាភិបាល រកឃើញបុគ្គលិកហាង Pedro ផ្លូវព្រះសីហនុ ចំនួន០៦នាក់ទៀតវិជ្ជមានកូវីដ១៩

ភ្នំពេញ៖ យោងតាមការបញ្ជាក់ពីលោកជំទាវ យក់ សម្បត្តិ រដ្ឋលេខាធិការ ក្រសួងសុខាភិបាល បានប្រាប់សារព័ត៌មានក្នុងស្រុកនាល្ងាចថ្ងៃទី០៤ ខែធ្នូ ឆ្នាំ២០២០ នេះ ឲ្យដឹងថា ក្រសួងសុខាភិបាល បានរកឃើញករណីវិជ្ជមានវីរុសកូវីដ១៩ នៅលើខ្លួនបុគ្គលិកហាង Pedro ចំនួន៦រូបថែមទៀត។ ចំណែកហាងលក់សំលៀកបំពាក់ Pedro នៅផ្លូវព្រះសីហនុ ត្រូវបានអាជ្ញាធរសម្រេចធ្វើការបិទបណ្តោះអាសន្ន។

គួរបញ្ជាក់ផងដែរថា គិតត្រឹមល្ងាចថ្ងៃទី០៤ ខែធ្នូ ឆ្នាំ២០២០នេះ បុគ្គលិកនៅហាងសំលៀកបំពាក់ Pedro ផ្លូវព្រះសីហនុ ចំនួន០៧នាក់ហើយ ត្រូវបានក្រសួងសុខាភិបាលធ្វើតេស្តរកឃើញវិជ្ជមានកូវីដ១៩៕