ផ្ទុះកំប៉ុងហ្គាស លក់លតឆា បណ្ដាលឲ្យមានមនុស្ស៣នាក់រងរបួស ក្នុងផ្សារផ្អាវ ខេត្តកំពង់ចាម
ខេត្តកំពង់ចាម៖ មនុស្ស៣នាក់បានរងរបួសធ្ងន់ស្រាល ខណៈបានយកចង្ក្រានហ្គាស លក់លតឆា បណ្តាលឲ្យផ្ទះកំប៉ុងហ្គាស នៅវេលាម៉ោង៨និង០០នាទីព្រឹក ថ្ងៃទី១៨ ខែធ្នូ ឆ្នាំ២០២០ នៅចំណុចក្នុងផ្សារផ្អាវ ភូមិផ្អាវ ឃុំផ្អាវ ស្រុកបាធាយ កំពង់ចាម។ តាមរបាយការណ៍បានឲ្យដឹងថា ករណីផ្ទុះកំប៉ុងហ្គាសនេះ បានកើតឡើងនៅលើគ្រែលក់លតឆា របស់ឈ្មោះ សុខ គឹមសយ ភេទប្រុស អាយុ55ឆ្នាំ មានទីលំនៅភូមិឃុំខាងលើ។
ជនរងគ្រោះរួមមាន៖
ទី១.ឈ្មោះ ណន ស្រនី ភេទស្រី អាយុ21ឆ្នាំ នៅភូមិផ្អាវ ត្រូវជាកូនប្រសារ របួសស្រាល
ទី2.ឈ្មោះ ឈុំ មករា ភេទស្រី អាយុ20ឆ្នាំ នៅភូមិផ្អាវ ត្រូវជាក្មួយ របួសធ្ងន់
ទី3.ឈ្មោះ ទេព សំអាន ភេទស្រី អាយុ៦៣ឆ្នាំ នៅភូមិផ្អាវ ជាអ្នកលក់បបរក្បែរគ្នា របួសធ្ងន់។
អ្នករងរបួសទាំងអស់ ត្រូវបានក្រុមគ្រួសារបងប្អូនយកទៅសង្គ្រោះព្យាបាលនៅមន្ទីរពេទ្យបង្អែកស្រុក ៕
ប្រភព៖ អគ្គស្នងការដ្ឋាននគរបាលជាតិ