ដំណឹងល្អ! ថ្ងៃនេះក្រសួងប្រកាសព្យាបាលអ្នកជំងឺកូវីដ១៩ជាសះស្បើយ០២នាក់ទៀត និងមិនមានវិជ្ជមានថ្មីនោះទេ

នៅព្រឹកថ្ងៃទី២២ ខែធ្នូ ឆ្នាំ២០២០នេះ ក្រសួងសុខាភិបាលកម្ពុជា បានចេញសេចក្តីជូនដំណឹង ពីករណីជាសះស្បើយជំងឺកូវីដ១៩ចំនួន០២នាក់ទៀត និងមិនមានករណីវិជ្ជមានថ្មីនោះទេ។

យោងតាមសេចក្តីប្រកាសរបស់ក្រសួងសុខាភិបាល បានបញ្ជាក់ថា អ្នកជាសះស្បើយទាំង០២នាក់នោះ ម្នាក់ជាស្ត្រីជនជាតិខ្មែរ អាយុ៣២ឆ្នាំ ជាអ្នកពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា និងម្នាក់ទៀតជាបុរសជនជាតិខ្មែរ អាយុ៧៥ឆ្នាំ ជាអ្នកដំណើរចូលមកកម្ពុជា។ សូមអានព័ត៌មានលំអិតខាងក្រោម៖