ព្រឹកនេះ អ្នកជំងឺកូវីដ១៩ ចំនួន០២នាក់ទៀតជាសះស្បើយ អ្នកឈឺសល់តែ១២នាក់ទៀតប៉ុណ្ណោះ

នៅព្រឹកថ្ងៃទី២៤ ខែធ្នូ ឆ្នាំ២០២០នេះ ក្រសួងសុខាភិបាលកម្ពុជា បានចេញសេចក្តីជូនដំណឹង ពីករណីជាសះស្បើយជំងឺកូវីដ១៩ចំនួន០២នាក់ទៀត និងមិនមានករណីវិជ្ជមានថ្មីនោះទេ។

យោងតាមសេចក្តីប្រកាសរបស់ក្រសួងសុខាភិបាល បានបញ្ជាក់ថា អ្នកជាសះស្បើយទាំង០២នាក់នោះ ម្នាក់ជាស្ត្រីជនជាតិខ្មែរ អាយុ៣០ឆ្នាំ ជាអ្នកពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា និងម្នាក់ទៀតជាបុរសជនជាតិខ្មែរ អាយុ៥៤ឆ្នាំ ជាអ្នកដំណើរចូលមកកម្ពុជា។ ហើយគិតមកទល់ពេលនេះ អ្នកជំងឺកូវីដ១៩ កំពុងសម្រាកព្យាបាលនៅមន្ទីរពេទ្យសល់តែ១២នាក់ប៉ុណ្ណោះ។ សូមអានព័ត៌មានលំអិតខាងក្រោម៖