អភិបាលនៃគណៈអភិបាលរាជធានីភ្នំពេញ ឧបត្ថម្ភថិវិកា ២០លានរៀល ដល់កម្លាំងអាវុធហត្ថ រាជធានីភ្នំពេញ ក្នុងព្រឹត្តិការបង្ក្រាបក្រុមចោរដែលចូលប្ល ន់និងជ ម្រិតមិនបានសម្រេច ក្នុងបុរីអង្គរភ្នំពេញ

ហេតុការណ៍ដ៏កក្រើកមួយបានកើតឡើងនៅក្នុងផ្ទះវីឡាមួយខ្នងស្ថិតនៅក្នុងបុរីអង្គរភ្នំពេញ ខណ្ឌសែនសុខ រាជធានីភ្នំពេញ ដោយក្រុមចោរប្រដាប់អាវុធមួយក្រុមមានគ្នា៤នាក់ បានរៀបគម្រោងចូលប្លន់ចាប់ជម្រិតប្រាក់១លានដុល្លារ ពីម្ចាស់ផ្ទះ ប៉ុន្តែក៏ត្រូវបានសមត្ថកិច្ច កម្លាំងអាវុធហត្ថ រាជធានីភ្នំពេញ បានធ្វើការបង្ក្រាបទាន់ពេលវេលា និងបានផ្ទុះអាវុធធ្វើអោយក្រុមចោរទាំង៤នាក់បានស្លាប់បាត់បង់ជីវិត។

ក្នុងនោះដែរ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ឧបត្ថម្ភថិវិកា ២០លានរៀល ដល់កម្លាំងអាវុធហត្ថ រាជធានីភ្នំពេញ ក្នុងព្រឹត្តិការបង្ក្រាបក្រុមចោរដែលចូលប្លន់និងជម្រិតមិនបានសម្រេច ក្នុងបុរីអង្គរភ្នំពេញ! ក្រុមឧក្រិដ្ឋជនមានគ្នា០៤នាក់ បានរៀបផែនការ ចូលជម្រិតយកប្រាក់១លានដុល្លារពីម្ចាស់ផ្ទះ ជាមុន បន្ទាប់មកពេលបានប្រាក់ហើយ នឹងប្លន់សម្លាប់ម្ចាស់ផ្ទះទាំងគ្រួសារជាក្រោយ ។ ជាក់ស្តែង កាលពីវេលាម៉ោង១១និង០០នាទី ថ្ងៃទី០១ ខែមីនា ឆ្នាំ២០២១ ឧក្រិដ្ឋជនទាំង០៤នាក់ បានប្រើប្រាស់កាំភ្លើងវែងAKមួយដើម និងកាំភ្លើងខ្លី០២ដើម ចូលមកប្លន់តាមផែនការមែន ក៏ប៉ះគ្នាជាមួយសមត្ថកិច្ចកងរាជអាវុធហត្ថរាជធានីភ្នំពេញ ដែលដឹកនាំដោយ លោកឧត្តមសេនីយ៍ឯក រ័ត្ន ស្រ៊ាង ផ្ទាល់ បណ្តាលឲ្យក្រុមឧក្រិដ្ឋជនទាំង០៤នាក់ ស្លាប់នៅនឹងកន្លែង៕