ក្រោយពីទទួលបានដំណឹងលោក ណុប ប៉ាយ៉ារិទ្ធ អ្នកនាងកែវ ចាន់និមល ស្វាមី និងកូន ទទួលបានវិជ្ជមានកូវីដ១៩ ធ្វើឲ្យមានការភ្ញាក់ផ្អើលជាខ្លាំង។ ងាកមកពេលនេះលោកខេម តារាចម្រៀងរបស់ផលិតកម្ម Galaxy បានចេញសារទាំងយប់បារម្ភទាំងយប់ និងជូនពរឲ្យពួកគាត់ឆាប់ជាសះស្បើយ។ លោកបានសរសេររៀបរាប់ថា៖

“ក្នុងនាមខ្ញុំបាទជាតារាចំរៀងប្រចាំផលិតកម្ម Galaxy Navatra និងជាតារាចម្រៀងនៅក្នុងប្រទេសខ្មែរ សូមចូលរួមលើកទឹកចិត្តចំពោះរាមច្បងតារាចម្រៀង(ណុបបាយ៉ារិទ្ធនិងក្រុមគ្រួសារពិធីការនីប្រចាំTVហង្សមាស )ព្រមទាំងបងប្រុស អុិន តីតូ ដែលបានឆ្លងនូវមេរោគ កូវីដ១៩ ខ្ញុំបាទពិតជាសោកស្តាយនិងមានការព្រួយបារម្ភណ៍ណាស់ចំពោះសុខភាពពួកគាត់ ។ ដូច្នេះសូមជូនពរឱ្យពួកគាត់បានឆាប់ជាសះស្បើយ ។ ហើយនេះក៏ជាសារមួយដើម្បីឲ្យពុកម៉ែបងប្អូនប្រជាពលរដ្ឋខ្មែរបានយល់ដឹងហើយការពារខ្លួនឲ្យបានខ្ជាប់ខ្ជួនពីជំងឺកូវីដ19 សូមពុកម៉ែបងប្អូនទាំងអស់គ្នាកុំមើលស្រាលជំងឺនេះឡើយ ជាចុងក្រោយ ខ្ញុំលើកដៃបួងសួង អធិដ្ឋានដល់ព្រះជាម្ចាស់🙏🙏 សូមជួយប្រជាជនកម្ពុជាគ្រប់រូបអោយបានរួចផុតពីគ្រោះដ៏កាចអាក្រក់នេះផង”៕