ថ្ងៃនេះ ពលរដ្ឋខ្មែរ៣នាក់ទៀតបានទទួលមរណភាព ដោយសារជំងឺកូវីដ ក្នុងនោះ២នាក់បានបាត់បង់ជីវិតមុនចូលមកដល់មន្ទីរពេទ្យ

ក្រសួងសុខាភិបាល បានចេញសេចក្តីប្រកាសព័ត៌មាន ពីករណីស្លាប់ជនជាតិខ្មែរចំនួន០៣នាក់ ដែលមានស្ត្រីអាយុ៧៩ឆ្នាំ, បុរសអាយុ៥៧ឆ្នាំ និងស្ត្រីអាយុ៥៦ឆ្នាំ ដោយសារតែជំងឺកូវីដ១៩។

យោងតាមការបញ្ជាក់ពីក្រសួងសុខាភិបាល បានឲ្យដឹងថា ស្ត្រីជនជាតិខ្មែរ អាយុ៧៩ឆ្នាំ និងបុរសជនជាតិខ្មែរ អាយុ៥៧ឆ្នាំ គ្រូពេទ្យពិនិត្យឃើញថា បានស្លាប់បាត់បង់ជីវិតមុនចូលមកដល់មន្ទីរពពេទ្យ ហើយសពទាំង២ ត្រូវបានក្រុមគ្រូពេទ្យយកសំណាកទៅពិនិត្យ ទទួលលទ្ធផលមានវិជ្ជមានជំងឺកូវីដ១៩។ ចំណែកឯស្ត្រីជនជាតិខ្មែរ អាយុ៦៥ឆ្នាំ បានស្លាប់បាត់បង់ជីវិតនៅផ្ទះរបស់គាត់លើអ្នកមានផ្ទុកវីរុសកូវីដ១៩។ សូមអានព័ត៌មានលំអិតខាងក្រោម៖