BREAKING NEWS – ផ្លូវជាតិលេខ៤ត្រូវជន់លិចជាថ្មីម្តងទៀត ហើយចរាចរក៏បានផ្អាកមិនឲ្យធ្វើដំណើរផងដែរ

យោងតាមការបញ្ជាក់ឲ្យដឹងពីក្រសួងធនធានទឹក និងឧតុនិយម នាមុននេះបន្តិចបានឲ្យដឹងថា ភ្លៀងធ្លាក់ជាច្រើននៅតំបន់ជួរភ្នំក្រវាញ និងបានបង្កឲ្យមានជំនន់ទឹកភ្លៀង ជន់ហូរកាត់ពីលើកំណាត់ផ្លូវជាតិលេខ៤ ថ្មីម្តងទៀត ត្រង់ចំណុចស្ពានអូរគគី (គម ១០៦-១០៧) ភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ។ គិតត្រឹមវេលាម៉ោង ១០ និង៣០នាទីព្រឹកថ្ងៃទី ១៨ ខែសីហា ឆ្នាំ២០១៨ នេះ ចរាចរឆ្លងកាត់នៅចំណុចខាងលើ ត្រូវបានអាជ្ញាធរផ្អាកជាបណ្តោះអាសន្នសិន ។

អត្ថបទ៖ សេម
រូបភាព៖ ក្រសួងធនធានទឹក និងឧតុនិយម