ចាប់ខ្លួនបានហើយមេល្បែងភ្នាល់ទឹកភ្លៀងនៅខេត្តបាត់ដំបង ហើយឧបករណ៍គេលេងភ្នាល់គ្នាបែបនេះសោះ
ខេត្តបាត់ដំបង៖ នារសៀលថ្ងៃទី១៨ ខែឧសភា ឆ្នាំ២០២១ នេះក្រោមការចង្អុលបង្ហាញពីឯកឧត្តម ងួន រតនៈ អភិបាលនៃគណៈអភិអភិបាលខេត្ត និងជាប្រធានគ ណៈបញ្ជាការឯកភាពរដ្ឋបាលខេត្តបាត់ដំបង ឯកឧត្តម ណុប ដារ៉ា អភិបាលរងខេត្តបាត់ដំបង និងជាប្រធានគណៈកម្មការស្រាវជ្រាវបង្ក្រាបល្បែងស៊ីសងគ្រប់ប្រភេទក្នុងទឹកដីខេត្តបាត់ដំបង ដោយមានលោកព្រះរាជអាជ្ញារងនៃអយ្យការអមសាលាដំបូងខេត្តបាត់ដំបង លោកឧត្តមសេនីយ៍ ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់បានចាត់តាំងឱ្យកម្លាំងនគរបាលការិយាល័យព្រហ្មទណ្ឌកម្រិតស្រាលនៃស្នងការដ្ឋានចុះបង្រ្កាបករណីល្បែងភ្នាល់ទឹកភ្លៀងនៅចំណុចភូមិចំការសំរោង២ សង្កាត់ ចំការសំរោង ក្រុងបាត់ដំបង ខេត្តបាត់ដំបង ។
ក្នុងនោះបង្ក្រាបឃាត់ខ្លួនមេល្បែងភ្នាល់ទឹកភ្លៀង និងជាម្ចាស់ទីតាំងចល័ត លេងល្បែងភ្នាល់ទឹកភ្លៀងចំនួន១នាក់ ឈ្មោះ ពេជ្រ សុធា ភេទប្រុស អាយុ៤០ ឆ្នាំមានទីលំនៅភូមិកម្មករ សង្កាត់ស្វាយប៉ោក្រុងបាត់ដំបងខេត្តបាត់ដំបង។ វត្ថុតាងដកហូតរួមមាន ៖
- ឧបករណ៍កែច្នៃសម្រាប់ត្រងទឹកភ្លៀងចំនួន ០១
- វិទ្យុទាក់ទងចំនួន ០៣ គ្រឿង
- រថយន្ត ម៉ាក TOYOTA RUSH ពណ៌ខ្មៅ ពាក់ស្លាកលេខ ភ្នំពេញ 2AY-1982 ចំនួន០១ គ្រឿង
បច្ចុប្បន្នការិយាល័យជំនាញបានកសាងសំណុំរឿង បញ្ជូនទៅតុលាការដើម្បីចាត់ការតាមនីតិវិធី -ច្បាប់៕
ប្រភព៖ ស្នងការដ្ឋាននគរបាលខេត្តបាត់ដំបង