ក្រុមហ៊ុន Apple បានដកកម្មវិធីជាង 25,000 ចេញពី App Store របស់ខ្លួននៅក្នុងប្រទេសចិនដែលត្រូវបានគេចាត់ទុកថាប្រភេទ App ខុសច្បាប់នៃបទបញ្ជារបស់ប្រទេសចិន។ ក្នុងនោះដែរក៏មាន App ចំនួន 4000 ត្រូវបានគេដាក់ស្លាក “ល្បែងស៊ីសង” នេះបើយោងតាមសារព័ត៌មាន Bloomberg និងទូរទស្សន៍រដ្ឋ CCTV បានចុះផ្សាយ ។

ក្រុមហ៊ុន Apple បាននិយាយនៅក្នុងសេចក្តីថ្លែងការណ៍មួយផ្ញើទៅ Bloomberg និង The Wall Street Journal ថា “ល្បែងល្បែងស៊ីសងខុសច្បាប់មិនត្រូវបានអនុញ្ញាតនៅលើ App Store នៅក្នុងប្រទេសចិនឡើយ” ។ យើងបានលុបចោលកម្មវិធីនិងអ្នកអភិវឌ្ឍន៍ជាច្រើនដែលព្យាយាមចែកចាយកម្មវិធីល្បែងស៊ីសងនៅលើ App Store របស់យើង ហើយយើងក៏កំពុងប្រុងប្រយ័ត្នក្នុងការខិតខំប្រឹងប្រែងរបស់យើងក្នុងការស្វែងរកនិងបញ្ឈប់វាពី App Storeផងដែរ ។ ”

កាសែត The Wall Street Journal បានដកស្រង់សម្តីរបស់ CCTV ដែលបាននិយាយកាលពីថ្ងៃអាទិត្យមុននេះថា “ក្រុមហ៊ុន Apple បានបង្កើតច្បាប់ស្តីអំពីការអនុញ្ញាតិឱ្យកម្មវិធីនៅ App Store របស់ខ្លួន ប៉ុន្តែ Apple មិនបានធ្វើតាមនោះទេ ដែលជាលទ្ធផលការរីកសាយនៃកម្មវិធីឆ្នោតក្លែងក្លាយនិងល្បែងស៊ីសងនៅតែកើតមាន” ។

ការផ្លាស់ប្តូរនេះបានកើតមានឡើងបន្ទាប់ពីប្រព័ន្ធផ្សព្វផ្សាយអវិជ្ជមានកាន់តែខ្លាំងឡើងចំពោះក្រុមហ៊ុន Apple នៅក្នុងប្រទេសចិន ដែលជារឿយៗបានចោទប្រកាន់ក្រុមហ៊ុនថាមិនបានធ្វើអ្វីគ្រប់យ៉ាងដើម្បីប្រយុទ្ធប្រឆាំងនឹងសកម្មភាពអនឡាញខុសច្បាប់។ កាលពីមុនក្រុមហ៊ុន Apple តែងតែចាត់វិធានការដើម្បីឱ្យស្របតាមអាជ្ញាធរចិនដែលពីមុនបានលុបកម្មវិធីសម្រាប់សេវា VPN និង The New York Times ។

ព័ត៌មានអំពីការលុបបំបាត់កម្មវិធីល្បែងស៊ីសងមិនមែនជារឿងគួរឱ្យភ្ញាក់ផ្អើលនោះទេប៉ុន្តែវាគឺជាការរំលឹកដល់ក្រុមហ៊ុនរបស់ប្រទេសអាមេរិក ត្រូវចេះសម្របខ្លួនទៅនឹងច្បាប់របស់រដ្ឋាភិបាលប្រសិនបើពួកគេចង់ធ្វើអាជីវកម្មនៅក្នុងប្រទេសចិន។